പാലാ: ആവേശകരമായ പ്രചാരണ പരിപാടികളുമായി പാലാ നിയോജക മണ്ഡലത്തിലെ എൻഡിഎ സ്ഥാനാർത്ഥി അഡ്വ. ഷോൺ ജോർജ് മുന്നേറുന്നു. വോട്ടർമാരെ നേരിൽ കണ്ട് പിന്തുണ തേടുന്നതിന്റെ ഭാഗമായി, വഴിയോരത്തെ പെട്ടിക്കടകളിലും ചായക്കടകളിലും കയറി വോട്ട് അഭ്യർത്ഥിക്കുന്ന അഡ്വ. ഷോൺ ജോർജ്.’
രാവിലെ മുതൽ മണ്ഡലത്തിലെ വിവിധ ഭാഗങ്ങളിൽ പര്യടനം നടത്തുന്ന അദ്ദേഹം, സാധാരണക്കാരായ വോട്ടർമാരുമായി നേരിട്ട് സംവദിക്കുന്നതിനാണ് മുൻഗണന നൽകുന്നത്. ഇന്ന് രാവിലെ പ്രചാരണത്തിനിടെ വഴിയരികിലെ ഒരു പെട്ടിക്കടയിൽ എത്തിയ ഷോൺ ജോർജ്, അവിടെയുണ്ടായിരുന്നവരോട് കുശലാന്വേഷണം നടത്തുകയും മണ്ഡലത്തിന്റെ വികസനത്തിനായി ബിജെപിക്ക് വോട്ട് ചെയ്യണമെന്ന് അഭ്യർത്ഥിക്കുകയും ചെയ്തു.
