സംസ്ഥാന സ്കൂൾ കായിക മേളയിൽ ആദ്യ ദിവസംതന്നെ വ്യക്തമായ മേൽകൈ നേടി പാലക്കാട് ജില്ല. 23 ഫൈനലുകൾ പൂർത്തിയായപ്പോൾ 67 പോയിന്റാണ് പാലക്കാടിന്. രണ്ടാംസ്ഥാനത്തുള്ള എറണാകുളം ജില്ലക്ക് 34 പോയിന്റു മാത്രമാണുള്ളത്. ഒന്നാംദിനം 3 മീറ്റ് റെക്കോർഡുകളാണ് മേളയിൽ പിറന്നത്. ഇതിലൊരെണ്ണം ദേശീയ റെക്കോർഡിനെ മറികടക്കുന്നതായി. മേളയുടെ ഉദ്ഘാടനം മുഖ്യമന്ത്രി പിണറായി വിജയൻ നിർവഹിച്ചു.
