കൂടുതൽ ഫീച്ചറുകൾ; അടിമുടി മാറ്റവുമായി ജി മെയിൽ

എഐ ഉൾപ്പെടെ കിടിലൻ ഫീച്ചറുകൾ ജി മെയിലിൽ ഉൾപ്പെടുത്തി ഗൂഗിൾ. ജിമെയിലിന്റെ മൊബൈൽ ആപ്പിലാണ് ഈ ഫീച്ചറുകൾ ലഭ്യമാവുക. ജിമെയിലിലെ സെർച്ച് കൃത്യതയുള്ളതാകാനും ഇൻബോക്സ് എളുപ്പത്തിൽ ഉപയോഗിക്കാനും ഇത് സഹായിക്കും. ജിമെയിൽ ഉപയോഗിക്കുന്നവർ ആപ്പിൽ പഴയ മെസേജോ, അറ്റാച്ച്മെന്റുകളോ സെർച്ച് ചെയ്താൽ വൈകാതെ ടോപ് റിസൽട്ട്സ് എന്ന സെക്ഷൻ കാണാം. മെഷീൻ ലേണിങ് മോഡലുകൾ ഉപയോഗിച്ചാണ് ടോപ് റിസൾട്ട്സ് തയ്യാറാക്കുന്നത്.