അമ്പെയ്ത്ത് ലോകകപ്പിൽ ഇന്ത്യൻ സഖ്യത്തിന് വെള്ളി മെഡൽ

പാരീസിൽ നടക്കുന്ന അമ്പെയ്ത്ത് ലോകകപ്പിൽ ഇന്ത്യൻ സഖ്യത്തിന് വെള്ളി മെഡൽ. ദീപിക കുമാരി, അങ്കിത ഭഗത്, സിമ്രൻജീത് കൗർ സഖ്യം ഫൈനലിൽ ചൈനീസ് തായ്പേയ് സഖ്യത്തോട് 5-1ന് തോൽവി വഴങ്ങുകയായിരുന്നു. ലെയ് ചിയൻ യിങ്, പെങ് ചിയാ മാവോ, കുവോ സു യിങ് സഖ്യമാണ് ഇന്ത്യയെ തോൽപിച്ചത്. 2016 ഒളിമ്പിക്സിലെ വെങ്കല മെഡൽ ജേതാക്കളാണ് ഈ ചൈനീസ് തായ്പേയ് ടീം.