കരീബിയൻ രാജ്യമായ ഹൈറ്റിയിൽ ഈ വർഷം മാത്രം കുട്ടികളും സ്ത്രീകളുമായി മുന്നൂറിലധികം പേർ ഇതിനകം തട്ടിക്കൊണ്ടുപോകപ്പെട്ടെന്ന് യൂണിസെഫ് റിപ്പോർട്ട്.
സംഘർഷങ്ങൾ തുടരുന്ന ഹൈറ്റിയിൽ സ്ത്രീകളുടെയും കുട്ടികളുടെയും സുരക്ഷ പരുങ്ങലിലെന്ന് ഐക്യരാഷ്ട്രസഭയുടെ ശിശുക്ഷേമനിധി യൂണിസെഫ്. ഓഗസ്റ്റ് 8 ചൊവ്വാഴ്ച പുറത്തുവിട്ട ഒരു പത്രക്കുറിപ്പിലൂടെയാണ് കരീബിയൻ രാജ്യമായ ഹൈറ്റിയിൽ കുട്ടികളും സ്ത്രീകളും നേരിടുന്ന അരക്ഷിതാവസ്ഥയെക്കുറിച്ച് യൂണിസെഫ് അറിയിച്ചത്. റിപ്പോർട്ട് പ്രകാരം രാജ്യത്ത് 2023-ലെ ആദ്യ ആറു മാസങ്ങളിൽ മാത്രം സ്ത്രീകളും കുട്ടികളുമടക്കം ഏതാണ്ട് 300 പേരാണ് തട്ടിക്കൊണ്ടുപോകപ്പെട്ടത്. 2021-ൽ തട്ടിക്കൊണ്ടുപോകപ്പെട്ട ആളുകളുടെ മൂന്നിരട്ടിയാണിത്. 2022-ൽ ഏതാണ്ട് 300 പേർ തട്ടിക്കൊണ്ടുപോകപ്പെട്ടിരുന്നു.
സാമ്പത്തികനേട്ടത്തിനോ, വിലപേശലിനോ ആയി സായുധസംഘങ്ങളാണ് സ്ത്രീകളെയും കുട്ടികളെയും പിടിച്ചുകൊണ്ടുപോകുന്നത്. പലപ്പോഴും സ്വഭാവനങ്ങളിലേക്ക് ഇവർക്ക് മടങ്ങാൻ കഴിയാറില്ലെന്നും, അവർക്കുണ്ടാകുന്ന ശാരീരികവും മാനസികവുമായ മുറിവുകൾ എളുപ്പത്തിൽ മായ്ക്കാൻ കഴിയുന്നതല്ലെന്നും ശിശുക്ഷേമനിധി വിശദീകരിച്ചു.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/IQxWMj8ftCQ3njOB5QBPG5
വാർത്തകൾ പാലാ വിഷനിൽ വായിക്കുവാൻ ഇവിടെ ക്ലിക്ക് ചെയ്യുക
Website pala.vision
പാലാ വിഷൻ യൂ ട്യൂബ് ചാനൽ SUBSCRIBE ചെയ്യുക
https://youtube.com/@palavision
