തിരുവനന്തപുരം: ക്രിസ്മസ്, പുതുവത്സര സീസണിനോടനുബന്ധിച്ച് കേരളത്തിലേക്ക് സ്പെഷ്യൽ ട്രെയ്ൻ സർവീസുകൾ അനുവദിച്ച് ദക്ഷിണ റെയിൽവേ.
17 പുതിയ ട്രെയ്നുകളാണ് അനുവദിച്ചിരിക്കുന്നത്. ഡിസംബർ 22 മുതൽ 2023 ജനുവരി 2 വരെയാണ് പ്രത്യേക ട്രെയിൻ സർവീസ്. യാത്രാ സൗകര്യത്തിനും അധിക തിരക്ക് ഒഴിവാക്കാനുമാണ് നീക്കം.
എറണാകുളം – ചെന്നൈ സെൻട്രൽ, എറണാകുളം – വേളാങ്കണ്ണി, കൊല്ലം – ചെന്നൈ എഗ്മാർ, എറണാകുളം – താംബരം എന്നിവയാണ് പ്രത്യേക സർവീസുകൾ എന്നാണ് റിപ്പോർട്ട്. ക്രിസ്മസ്, പുതുവത്സര സീസണിൽ പ്രത്യേക ട്രെയിൻ സർവീസ് ഏർപ്പെടുത്തിയത് മറ്റ് സംസ്ഥാനങ്ങളിൽ പഠിക്കുന്നവർക്കും ജോലി ചെയ്യുന്നവർക്കും ഏറെ ആശ്വാസകരമായിട്ടുണ്ട്.
