എത്യോപ്യയിലെ അംഹാര മേഖലയിൽ പൊട്ടിപ്പുറപ്പെട്ട സംഘർഷം അവസാനിപ്പിക്കാനും സമാധാനചർച്ചകൾ ആരംഭിക്കാനും എത്യോപ്യൻ മെത്രാൻസമിതി ആവശ്യപ്പെട്ടു.
എത്യോപ്യയിൽ അംഹാര സേനയും രാഷ്ട്ര പ്രതിരോധസേനയും തമ്മിൽ നടന്നുകൊണ്ടിരിക്കുന്ന യുദ്ധം അവസാനിപ്പിക്കാനും സമാധാനസ്ഥാപനത്തിനായി ചർച്ചകൾ ആരംഭിക്കാനും എത്യോപ്യയിലെ കത്തോലിക്കാ മെത്രാൻസമിതി ഇരുകൂട്ടരോടും ആവശ്യപ്പെട്ടു. പരിശുദ്ധ അമ്മയുടെ സ്വർഗ്ഗാരോപണവുമായി ബന്ധപ്പെട്ട്, ഓഗസ്റ്റ് 7 മുതൽ 22 വരെ തീയതികളിൽ എത്യോപ്യൻ കത്തോലിക്കർ നടത്തുന്ന രണ്ടാഴ്ചത്തെ ഉപവാസം ആരംഭിച്ചതിനോടനുബന്ധിച്ചാണ് മെത്രാൻസമിതി സമാധാനത്തിനായി ആഹ്വാനം നൽകിയത്.
രാജ്യത്ത് നീതിയും സമാധാനവും നിലനിൽക്കാൻവേണ്ടി പ്രാർത്ഥിക്കുവാനും, മാനസാന്തരത്തിന്റെ പാതയിലേക്ക് വരാനും എല്ലാ വിശ്വാസികളെയും, നന്മനസ്സുള്ള വ്യക്തികളെയും മെത്രാൻസമിതി ക്ഷണിച്ചു.
കഴിഞ്ഞ നാളുകളിൽ മാത്രം അവസാനിച്ച വടക്കൻ എത്യോപ്യയിലെ തിഗ്രയ് പ്രദേശത്ത് നടന്ന യുദ്ധത്തിന്റെ കാര്യം അനുസ്മരിപ്പിച്ച എത്യോപ്യൻ മെത്രാന്മാർ, അതിൽ നിരവധി ആളുകൾ കൊല്ലപ്പെട്ട കാര്യം ഓർമ്മിപ്പിച്ചു. ഈ യുദ്ധത്തിൽ നിരവധി ആളുകൾക്ക് പരിക്കേൽക്കുകയും, രാജ്യം വലിയ സാമ്പത്തിക, സാമൂഹ്യ നഷ്ടങ്ങൾ നേരിടുകയും ചെയ്തു. അത്തരമൊരു യുദ്ധത്തിൽനിന്ന് പുറത്തുവന്നു സമാധാനത്തിന്റെ നാളുകൾ ആരംഭിച്ചപ്പോൾ ഇതുപോലെ ഒരു യുദ്ധം വീണ്ടും പൊട്ടിപ്പുറപ്പെടുന്നതിൽ മെത്രാൻസമിതി ആശങ്ക രേഖപ്പെടുത്തി.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/IQxWMj8ftCQ3njOB5QBPG5
വാർത്തകൾ പാലാ വിഷനിൽ വായിക്കുവാൻ ഇവിടെ ക്ലിക്ക് ചെയ്യുക
Website pala.vision
പാലാ വിഷൻ യൂ ട്യൂബ് ചാനൽ SUBSCRIBE ചെയ്യുക
https://youtube.com/@palavision
