വിണ്ണിൽ നിന്നും മണ്ണിലേക്ക്, ഇന്നസെന്റ് ഇനി ഹൃദയത്തിൽ; സംസ്കാരം ഇന്ന്

അരനൂറ്റാണ്ട് മലയാളത്തിന്റെ ചിരിമുഖമായിരുന്ന ഇന്നസെന്റിന്റെ സംസ്കാരം ഇന്ന്. രാവിലെ 10 മണിക്ക് ജന്മനാടായ ഇരിങ്ങാലക്കുടയിലെ സെന്റ് തോമസ് കത്തീഡ്രലിലാണ് സംസ്കാരം. ഇന്നലെ കടവന്ത്ര രാജീവ് ഗാന്ധി ഇൻഡോർ സ്റ്റേഡിയത്തിലും പിന്നീട് ഇരിങ്ങാലക്കുടയിലെ ടൗൺ ഹാളിലും പൊതുദർശനത്തിന് എത്തിച്ച മൃതദേഹത്തിൽ ആയിരങ്ങൾ ആദരാഞ്ജലി അർപ്പിച്ചു. രാഷ്ട്രീയ സാംസ്കാരിക മേഖലയിലെ നിരവധി പേർ ഇന്നസെന്റിന് അനുശോചനം രേഖപ്പെടുത്തി.