ആലുവ: സ്റ്റുഡൻസ് പോലീസ് കേഡറ്റുകൾക്കായി എറണാകുളം ജില്ലാ തലത്തിൽ വിവിധ വിദ്യാലയങ്ങളെ പങ്കെടുപ്പിച്ചു നടത്തിയ ലഹരി വിരുദ്ധ സന്ദേശ പ്രസംഗ മത്സരം ജില്ലാ പോലീസ് മേധാവി വിവേക് കുമാർ ഐ പി എസ് ഉദ്ഘാടനം ചെയ്തു. ആലുവ റൂറൽ പോലീസ് കോൺഫ്രൻസ് ഹാളിൽ നടന്ന ചടങ്ങിൽ ചൈൽഡ് ലൈൻ ഡയറക്ടർ റവ ഡോ.ഷിന്റോ ജോസഫ് അധ്യക്ഷത വഹിച്ചു. ഡോ.കെ.ആർ അനീഷ്, അഡ്വ. ചാർളി പോൾ , പി എസ് ഷാബു, അഖിൽ ബെന്നി, സി ആർ അനന്തു, ചന്ദ്രിക ടീച്ചർ എന്നിവർ പ്രസംഗിച്ചു. ലഹരി വിഴുങ്ങുന്ന സാക്ഷര കേരളം എന്ന വിഷയത്തിൽ നടത്തിയ പ്രസംഗ മത്സരത്തിൽ എസ്. നീരജ (സെന്റ് ജോൺസ് എച്ച് എസ് എസ് വടകര) പാർവതിമോഹൻ (എo കെ.എച്ച് എസ് , എസ് വേങ്ങൂർ ) ശ്രീലക്ഷ്മി രാജേഷ് (എം കെ എം എച്ച് എസ് എസ് പിറവം ) എന്നിവർ യഥാക്രമം ആദ്യ മൂന്നു സ്ഥാനങ്ങൾ നേടി. ചൈൽഡ് ലൈൻ കൊച്ചി , രാജഗിരി – കോമ്പാറ്റ്, ബ്യൂറോ ഓഫ് ഔട്ട് റീച്ച് ആന്റ് കമ്മ്യൂണിക്കേഷൻ എന്നിവരുടെ സഹകരണത്തോടെയാണ് പ്രോഗ്രാം സംഘടിപ്പിച്ചത്.
