വനിതാ സംഗമവും, തിരുവാതിരകളിമത്സരവും 15-ന്

ഏറ്റുമാനൂർ:ഏറ്റുമാനൂർ ജനകീയ വികസന സമിതിയുടെ നേതൃത്വത്തിൽ വനിതാ സംഗമവും, തിരുവാതിരകളിമത്സരവും, മെഗാ തിരുവാതിരയും ഫെബ്രുവരി 15-ന്
രാവിലെ 9 -മുതൽ ഹോട്ടൽ നാഷണൽ പാർക്ക് അങ്കണത്തിൽ നടക്കുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു. രജിസ്ട്രേഷൻ സൗജന്യമാണ്.മത്സരത്തിൽ വിജയികളാകുന്ന ടീമിന് ഒന്നാം സമ്മാനമായി 8000 രൂപയും രണ്ടാം സമ്മാനമായി 5000 രൂപയും മൂന്നാം സമ്മാനമായി 3000 രൂപയും കാഷ് അവാർഡ് ലഭിക്കും. 11:30 -ന് സമാപന സമ്മേളനം ഔഷധി ലിമിറ്റഡ് ചെയർപേഴ്സൺ ശോഭന ജോർജ് ഉദ്ഘാടനം ചെയ്യും.ജനകീയ വികസന സമിതി പ്രസിഡന്റ്ബി. രാജീവ് അധ്യക്ഷത വഹിക്കും.
സംഗീതജ്ഞ മാതംഗി സത്യമൂർത്തി, പെരുന്ന എൻ.എസ്.എസ്. കോളേജ് റിട്ട. പ്രിൻസിപ്പൽ എസ്. ഗീത, താളം ട്രസ്റ്റ് രക്ഷാധികാരി എം. എസ്. രാജലക്ഷ്മി എന്നിവരെ ആദരിക്കും.
ജനറൽ കൺവീനർ പ്രീയാ ബിജോയ്, അമ്മിണി സുശീലൻ, ആശാകിരൺ, ഗീതാ ഉണ്ണികൃഷ്ണൻ രാജീസ് വർഗീസ് എന്നിവർ പത്രസമ്മേളനത്തിൽ പങ്കെടുത്തു.