ആകാശത്ത് അദ്ഭുതകാഴ്ച; 5 ഗ്രഹങ്ങളെ ഒരുമിച്ച് കാണാം!

ഈ മാസം അവസാനം ആകാശത്ത് അദ്ഭുതകാഴ്ച വിരിയുമെന്ന് വാനനിരീക്ഷകർ. മാർച്ച് 28ന് 5 ഗ്രഹങ്ങളെ ഒരുമിച്ച് കാണാൻ സാധിക്കും. ചൊവ്വ, ശുക്രൻ, ബുധൻ, വ്യാഴം, യുറാനസ് എന്നീ ഗ്രഹങ്ങളെയാണ് ഒരുമിച്ച് കാണാൻ കഴിയുക. കൂട്ടത്തിൽ ഏറ്റവും പ്രകാശം ശുക്രനായിരിക്കും. യുറാനസിനെ കാണാൻ കുറച്ച് പ്രയാസമായിരിക്കുമെന്നും നിരീക്ഷകർ സൂചിപ്പിച്ചു. മാർച്ച് ഒന്നിന് ശുക്രനും വ്യാഴവും നേർരേഖയിൽ എത്തിയിരുന്നു.