അഭ്യസ്തവിദ്യരും തൊഴിൽ നൈപുണ്യപരിശീലനം ലഭിച്ചതുമായ പട്ടികജാതി വിഭാഗം യുവതീയുവാക്കൾക്ക് വിദേശത്ത് തൊഴിൽ നേടുന്നതിന് യാത്ര ടിക്കറ്റിനും വിസ സംബന്ധമായ ചിലവുകൾക്കും ധനസഹായം നൽകുന്ന പദ്ധതിതിയിലേക്ക് അപേക്ഷ ക്ഷണിച്ചു.
100,000 രൂപയാണ് ധനസഹായം. അനുവദിക്കുക. 20 നും 50 നും മദ്ധ്യേ പ്രായവും കുടുംബ വാർഷിക വരുമാനം 25,000 രൂപയിൽ താഴെയുള്ളവരുമാകണം.വരുമാന സർട്ടിഫിക്കറ്റ്, ജാതി സർട്ടിഫിക്കറ്റ്, ഇന്ത്യൻ പാസ്പോർട്ട്, വിസ, വിദേശ തൊഴിൽ ദാതാവിൽ ലഭിച്ച കരാർ പത്രം, റസിഡന്റ് ഐഡന്റിറ്റി കാർഡ്, ഫ്ലൈറ്റ് ടിക്കറ്റ്, ജോയിനിംഗ് ലെറ്റർ, ബാങ്ക് പാസ്ബുക്ക് പകർപ്പ് എന്നിവ സഹിതം അപേക്ഷ സമർപ്പിക്കണം . അപേക്ഷാ ഫോറം ബ്ലോക്ക് / മുനിസിപ്പൽ പട്ടികജാതി വികസന ഓഫീസിൽ ലഭിക്കും. കൂടുതൽ വിവരങ്ങൾക്ക് ഫോൺ: 0481 -2562503
