ജൂലൈ 23-ന് മുത്തശ്ശീമുത്തശ്ശന്മാർക്കും മുതിർന്നവർക്കും വേണ്ടിയുള്ള മൂന്നാം ലോകദിനം ആഘോഷിക്കുന്ന വേളയിൽ, ദണ്ഡവിമോചനത്തിനുള്ള അവസരം വാഗ്ദാനം ചെയ്ത് വത്തിക്കാൻ. വത്തിക്കാനിലെ അപ്പസ്തോലിക് പെനിറ്റൻഷ്യറിയുടെ തലവനായ കർദിനാൾ മൗറോ പിയാസെൻസ് ആണ് ഈ വിവരം അറിയിച്ചത്.
തപസ്സിന്റെയും ദാനത്തിന്റെയും യഥാർത്ഥ ചൈതന്യത്താൽ പ്രചോദിതരായി ജൂലൈ 23-നു നടക്കുന്ന ഫ്രാൻസിസ് മാർപാപ്പയുടെ കുർബാനയിലോ, മുത്തശീമുത്തശ്ശന്മാരുടെ ദിനാഘോഷത്തിലോ പങ്കെടുക്കുകയോ, പ്രായമായ ആളുകളെ സന്ദർശിക്കുകയോ ചെയ്യുന്നവർക്ക് ഈ ദയ സ്വീകരിക്കാവുന്നതാണ്.
ഫ്രാൻസിസ് മാർപാപ്പ തിരഞ്ഞെടുത്ത്, 2023-ലെ മുത്തശ്ശീമുത്തശ്ശന്മാരുടെ ദിനത്തിന്റെ തീം “അവന്റെ കരുണ യുഗങ്ങൾ തോറും” എന്നാണ്. വി. ലൂക്കായുടെ സുവിശേഷത്തിലെ ഒരു വാക്യത്തിൽ നിന്നാണ് ഇത് സ്വീകരിച്ചിരുന്നത്. ഈ വർഷം ജൂലൈ 23-ന്, യേശുവിന്റെ മുത്തശ്ശീമുത്തശ്ശന്മാരായ അന്നയുടെയും യോവാക്കിമിന്റെയും പെരുന്നാളിനു മുൻപുള്ള ഞായറാഴയാണ് ഇത് ആഘോഷിക്കുന്നത്.
കത്തോലിക്കാ സഭയുടെ മതബോധനഗ്രന്ഥം, കുറ്റം ഇതിനകം ക്ഷമിക്കപ്പെട്ട പാപങ്ങൾ നിമിത്തമുള്ള താൽക്കാലിക ശിക്ഷയുടെ ദൈവമുമ്പാകെയുള്ള ഒരു മോചനം” എന്നാണ് ഈ ദണ്ഡവിമോചനത്തെ നിർവചിച്ചിരിക്കുന്നത്. ഒരു സമ്പൂർണ്ണ ദണ്ഡവിമോചനത്തിനുള്ള സാധാരണ വ്യവസ്ഥകൾ എന്നത് വ്യക്തി കൃപയുടെ അവസ്ഥയിലായിരിക്കുകയും പാപത്തിൽ നിന്ന് പൂർണ്ണമായ വേർപിരിയൽ ഉണ്ടായിരിക്കുകയും മാർപാപ്പയുടെ ഉദ്ദേശ്യങ്ങൾക്കായി പ്രാർത്ഥിക്കുകയും വേണം എന്നിവയാണ്.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/GKf2ow9DTIBEOAhaSLrGs7
വാർത്തകൾ പാലാ വിഷനിൽ വായിക്കുവാൻ ഇവിടെ ക്ലിക്ക് ചെയ്യുക
Website http://pala.vision
പാലാ വിഷൻ യൂ ട്യൂബ് ചാനൽ SUBSCRIBE ചെയ്യുക
https://youtube.com/@palavision
