ഉണ്ണികൃഷ്ണൻ നമ്പൂതിരി പുരസ്കാരം ഇന്നസെന്റിന്

നടൻ ഉണ്ണികൃഷ്ണൻ നമ്പൂതിരിയുടെ പേരിലുള്ള പ്രഥമ ചലച്ചിത്ര പുരസ്കാരം ഇന്നസെന്റിന് ലഭിച്ചു. ചലച്ചിത്ര മേഖലയിലെ സമഗ്ര സംഭാവനയ്ക്കാണ് പുരസ്കാരം. 5000 രൂപയും പ്രശസ്തി പത്രവും ഫലകവും അടങ്ങുന്നതാണ് പുരസ്കാരം. ജനുവരി അവസാനവാരം പയ്യന്നൂർ ഗാന്ധി പാർക്കിൽ നടക്കുന്ന അനുസ്മരണ സമ്മേളനത്തിൽ പുരസ്കാരം സമ്മാനിക്കും. ഇന്നസെന്റിന്റെ അഭിനയ ജീവിതത്തിൽ അമ്പതാണ്ട് പിന്നിടുന്ന വേളയിലാണ് പുരസ്കാരം ലഭിക്കുന്നത്.