അണ്ടർ 19 ടി20 വനിതാ ലോകകപ്പ്; യുഎഇയെ തകർത്ത് ഇന്ത്യ

അണ്ടർ 19 ടി20 വനിതാ ലോകകപ്പിൽ ഇന്ത്യയ്ക്ക് മിന്നും ജയം. ഗ്രൂപ്പ് ഡിയിലെ രണ്ടാമത്തെ മത്സരത്തിൽ യുഎഇയെ 122 റണ്ണുകൾക്കാണ് ഇന്ത്യ വിജയിച്ചത്. ഇന്ത്യൻ നിര മുന്നോട്ട് വെച്ച 219 എന്ന കൂറ്റൻ സ്കോർ പിന്തുടർന്ന യുഎഇയ്ക്ക് 20 ഓവറുകളിൽ 5 വിക്കറ്റ് നഷ്ടത്തിൽ 97 റൺസ് എടുക്കാനേ സാധിച്ചത്. ഇതോടെ ഗ്രൂപ്പിലെ 2 മത്സരങ്ങളും വിജയിച്ച ഇന്ത്യ പോയിന്റ് ടേബിളിൽ ഒന്നാമതെത്തി.