ആണവകരാറില് ധാരണയിലെത്താന് ഇറാന് 10 മുതല് 15 ദിവസം വരെ സമയപരിധി നിശ്ചയിച്ച് അമേരിക്കന് പ്രസിഡന്റ് ഡോണള്ഡ് ട്രംപ്. കരാറിലെത്താന് ഇറാന് പരാജയപ്പെട്ടാല് മോശം കാര്യങ്ങള് സംഭവിക്കുമെന്നും ട്രംപിന്റെ മുന്നറിയിപ്പ്.
വാഷിങ്ടണില് നടക്കുന്ന ബോര്ഡ് ഓഫ് പീസിന്റെ ആദ്യ യോഗത്തിലാണ് ഇറാന് ട്രംപ് മുന്നറിയിപ്പ് നല്കിയത്. ഇറാന് യുദ്ധം ആരംഭിക്കില്ലെന്നും അമേരിക്ക തങ്ങളെ ആക്രമിക്കുന്നപക്ഷം സ്വയം പ്രതിരോധത്തിനുള്ള അവകാശം വിനിയോഗിക്കുമെന്നും ഇറാന് വ്യക്തമാക്കി.
യുഎന് സെക്രട്ടറി ജനറല് അന്റോണിയോ ഗുട്ടെറസിന് അയച്ച കത്തിലാണ് ഇറാന്റെ പരാമര്ശം. മേഖലയിലെ അമേരിക്കയുടെ എല്ലാ സൈനിക താവളങ്ങളും ലക്ഷ്യം വയ്ക്കുമെന്നും കത്തില് പറയുന്നു.
