സ്കൂൾ ബസ് ട്രാക്ക് ചെയ്യുന്നതിനുള്ള ആപ്പ് സ്വിച്ച്ഓൺ ചെയ്തു

സ്കൂൾ ബസുകൾ ട്രാക്ക് ചെയ്യുന്നതിന് MVDയുടെ വിദ്യ വാഹൻ മൊബൈൽ ആപ്പ് മുഖ്യമന്ത്രി പിണറായി വിജയൻ സ്വിച്ച്ഓൺ ചെയ്തു. മുഖ്യമന്ത്രിയുടെ ചേമ്പറിലായിരുന്നു ചടങ്ങ്. ആപ്ലിക്കേഷൻ ഉപയോഗിച്ച് രക്ഷിതാക്കൾക്ക് അവരുടെ കുട്ടികളുടെ സ്കൂൾ ബസ് ട്രാക്ക് ചെയ്യാം. സ്കൂൾ ബസിന്റെ തത്സമയ ലൊക്കേഷൻ, വേഗത, മറ്റ് അലർട്ടുകൾ എന്നിവ സംബന്ധിച്ച വിവരങ്ങൾ രക്ഷിതാക്കൾക്ക് ആപ്പ് വഴി ലഭ്യമാകും.