തേക്കടി പുഷ്പമേള തുടങ്ങി

കുമളി ∙ വിനോദ സഞ്ചാര കേന്ദ്രമായ തേക്കടിക്ക് വർണക്കാഴ്ചയൊരുക്കി തേക്കടി പുഷ്പമേളയ്ക്ക് കല്ലറയ്ക്കൽ ഗ്രൗണ്ടിൽ തുടക്കമായി. 200 വ്യത്യസ്ത ഇനങ്ങളിലുള്ള ഒരു ലക്ഷത്തോളം ചെടികളാണ് സജ്ജീകരിച്ചിരിക്കുന്നത്. 30000 ചതുരശ്രയടി വിസ്തീർണത്തിലുള്ള പുഷ്പനഗരിയുടെ ഒരുക്കങ്ങൾ പൂർത്തിയായി. വൈകിട്ട് 6ന് മന്ത്രി റോഷി അഗസ്റ്റിൻ ഉദ്ഘാടനം ചെയ്യത്, വാഴൂർ സോമൻ എംഎൽഎ അധ്യക്ഷത വഹിച്ചു. 32 ദിവസം നീണ്ടുനിൽക്കുന്ന പുഷ്പമേളയിൽ പുഷ്പാലങ്കാര മത്സരം, സൗന്ദര്യ മത്സരം, പാചക മത്സരം, പെയിന്റിങ് മത്സരം, ക്വിസ് എന്നിവ ഉണ്ടായിരിക്കും.