മലപ്പുറത്ത് വീണ്ടും പുലിയിറങ്ങി!

മലപ്പുറം മമ്പാട് വീണ്ടും പുലിയെ കണ്ടു. നടുവക്കാട് ഇളംമ്പുഴയിലാണ് വീണ്ടും പുലിയെ കണ്ടത്. ഏതാനും ദിവസങ്ങൾക്ക് മുമ്പ് ഇവിടെ വെച്ച് സ്‌കൂട്ടർ യാത്രികർക്കുനേരെ പുലി ആക്രമണം നടത്തിയിരുന്നു. വനം വകുപ്പ് പ്രദേശത്ത് പുലിയെ പിടിക്കുന്നതിനായി കൂട് സ്ഥാപിച്ചെങ്കിലും പിടിക്കാനായില്ല. പിന്നാലെയാണ് മേഖലയിൽ വീണ്ടും പുലിയെ കണ്ടതായി നാട്ടുകാർ പറയുന്നത്. വനം വകുപ്പ് ജാഗ്രതാ നിർദ്ദേശം പുറപ്പെടുവിച്ചിട്ടുണ്ട്.