രാമപുരം: കേരള കത്തോലിക്കാ സഭയിലെ വാഴ്ത്തപ്പെട്ട വാഴ്ത്തപ്പെട്ട കുഞ്ഞച്ചൻ്റെ (ഫാ. അഗസ്റ്റിൻ തേവർപറമ്പിൽ) ഈ വർഷത്തെ പ്രധാന തിരുനാളിന് ഭക്തിനിർഭരമായ തുടക്കം കുറിച്ചു.
രാമപുരം കുഞ്ഞച്ചൻ്റെ പള്ളിയിൽ നടന്ന ചടങ്ങിൽ, തിരുനാൾ ആഘോഷങ്ങളുടെ ആരംഭം സൂചിപ്പിച്ചുകൊണ്ട് കാല് നാട്ടു കർമ്മം വികാരിയച്ഛൻ നിർവഹിച്ചു.
കുഞ്ഞച്ചന്റെ വീട്ടിൽ നിന്നും പള്ളിയിലേക്ക് പ്രദക്ഷിണം
https://www.facebook.com/share/p/1EQPzV2w5t
പള്ളി അങ്കണത്തിൽ നടന്ന ഈ വിശുദ്ധ കർമ്മത്തിന്, രാമപുരം പള്ളി വികാരി റവ. ഫാദർ. ബർക്കുമാൻസ് കുന്നുംപുറം മുഖ്യ കാർമ്മികത്വം വഹിച്ചു.
തിരുനാളിന് മുന്നോടിയായുള്ള ഒരുക്കങ്ങൾ ആരംഭിച്ചതിൻ്റെ പ്രതീകമായി, വിശ്വാസ സമൂഹത്തിൻ്റെ സാന്നിധ്യത്തിൽ അദ്ദേഹം കൊടിമരം ഉയർത്തുന്നതിനായുള്ള കാല് നാട്ടൽ കർമ്മം നടത്തി.
രാമപുരം തീർത്ഥാടന കേന്ദ്രത്തിൽ ഇനി വരുന്ന ദിവസങ്ങളിൽ വാഴ്ത്തപ്പെട്ട കുഞ്ഞച്ചൻ്റെ മദ്ധ്യസ്ഥതയിൽ ഒന്നുചേരാനും അനുഗ്രഹം തേടാനുമായി നിരവധി വിശ്വാസികൾ രാമപുരത്തേക്ക് എത്തിച്ചേരുമെന്നാണ് പ്രതീക്ഷിക്കുന്നത്.
