പാലാ: ളാലം പഴയ പള്ളിയുടെ കുരിശുപള്ളിയായ മുണ്ടുപാലം കുരിശുപള്ളിയിൽ വി. സെബസ്ത്യാനോസ് സഹദായുടെ തിരുനാൾ ആഘോഷങ്ങൾക്ക് നാളെ തുടക്കമാകും. വൈകുന്നേരം 5 മണിക്ക് വികാരി റവ. ഫാ. ജോസഫ് തടത്തിൽ കൊടിയേറ്റ് നിർവ്വഹിക്കുന്നതോടെ തിരുനാൾ ചടങ്ങുകൾ ആരംഭിക്കും. തുടർന്ന് ലദീഞ്ഞ്, ആഘോഷമായ വിശുദ്ധ കുർബാന, നൊവേന എന്നിവ നടക്കും.
പ്രധാന ചടങ്ങുകൾ:
- ജനുവരി 17 – 23: എല്ലാ ദിവസവും വൈകുന്നേരം 5 മണിക്ക് ലദീഞ്ഞ്, ആഘോഷമായ വിശുദ്ധ കുർബാന, നൊവേന.
- ജനുവരി 18 (ഞായർ): രാവിലെ 6.30-നും 9.30-നും ആഘോഷമായ വിശുദ്ധ കുർബാന, നൊവേന.
- ജനുവരി 24 (ശനി): വൈകുന്നേരം 4 മണിക്ക് ളാലം പഴയ പള്ളിയിൽ (ഇടവക പള്ളി) ആഘോഷമായ വിശുദ്ധ കുർബാനയും സന്ദേശവും. 5.30-ന് ആഘോഷമായ പ്രദക്ഷിണം. 9.30-ന് സമാപന ആശിർവാദം.
- പ്രധാന തിരുനാൾ (ജനുവരി 25, ഞായർ): രാവിലെ 6.30-ന് ആഘോഷമായ വിശുദ്ധ കുർബാന. 10 മണിക്ക് പ്രസുദേന്തി വാഴ്ചയെത്തുടർന്ന് 10.30-ന് ആഘോഷമായ തിരുനാൾ കുർബാനയും സന്ദേശവും. ഉച്ചയ്ക്ക് 12-ന് കാർഷിക വിഭവങ്ങളുടെ ലേലം. വൈകുന്നേരം 5.30-ന് പ്രദക്ഷിണം, 9.30-ന് സമാപന ആശിർവാദം, കൊടിയിറക്ക്.
കലാപരിപാടികൾ: ജനുവരി 23 വെള്ളിയാഴ്ച വൈകുന്നേരം 7 മണിക്ക് പത്തനംതിട്ട റോയൽ ബീറ്റ്സ് അവതരിപ്പിക്കുന്ന ഗാനമേള അരങ്ങേറും.
തിരുനാൾ കർമ്മങ്ങൾക്ക് വികാരി ഫാ. ജോസഫ് തടത്തിൽ, സഹവികാരിമാരായ ഫാ. ജോസഫ് ആലഞ്ചേരിൽ, ഫാ. സ്കറിയ മേനാംപറമ്പിൽ, ഫാ. ആന്റണി നങ്ങാപറമ്പിൽ എന്നിവർ നേതൃത്വം നൽകും.
