പാലാ രൂപത കോർപ്പറേറ്റ് എഡ്യുക്കേഷണൽ ഏജൻസിയുടെ കീഴിലുള്ള വിവിധ സ്കൂളുകളിൽ സേവനമനുഷ്ഠിക്കുന്ന അധ്യാപകരുടെയും അനധ്യാപകരുടെയും വാർഷിക മഹാസംഗമം ശനിയാഴ്ച നടക്കും. പാലാ കത്തീഡ്രൽ ബിഷപ് വയലിൽ മെമ്മോറിയൽ പാരിഷ് ഹാളിൽ നടക്കുന്ന സമ്മേളനം മാണി സി കാപ്പൻ എംഎൽഎ ഉദ്ഘാടനം ചെയ്യും. വികാരി ജനറൽ റവ. ഡോ ജോസഫ് മലേപ്പറമ്പിൽ അധ്യക്ഷത വഹിക്കും. പി കെ ജോസ് ഐഎഎസ് മുഖ്യ പ്രഭാഷണം നടത്തും. ടീച്ചേഴ്സ് ഡയറക്ടർ ഫാദർ ജോർജ് വരകുകാലാ പറമ്പിൽ, മധ്യ മേഖല പ്രസിഡന്റ് ജോബി കുളത്തറ, ഫാദർ ജോൺ കണ്ണന്താനം തുടങ്ങിയവർ സംസാരിക്കും.
