സോഫ്റ്റ്വെയർ തകരാർ; ട്രഷറി പ്രവർത്തനങ്ങൾ താളം തെറ്റി

സംസ്ഥാനത്തെ എല്ലാ ട്രഷറി ശാഖകളിലും സോഫ്റ്റ്വെയർ തകരാർ. ശമ്പളവും പെൻഷൻ വിതരണവും ഉൾപ്പെടെയുള്ള ഓൺലൈൻ ഇടപാടുകളെ ഈ തകരാർ ബാധിച്ചതിനാൽ ഇന്നലെ ട്രഷറികളെല്ലാം അടച്ചിടേണ്ടി വന്നു. ഡാറ്റ നെറ്റ്വർക്കിൽ കണ്ടെത്തിയ പിശക് പരിഹരിക്കാനുള്ള ശ്രമങ്ങൾ ഇന്നലെയും നീണ്ടു. രാവിലെ ശാഖകൾ തുറന്നതിന് തൊട്ടു പിന്നാലെ തർക്കമായതോടെ അടിയന്തിരമായി അറ്റകുറ്റപ്പണികൾ ആരംഭിച്ചു. എങ്കിലും തകരാർ ഇതുവരെ പരിഹരിച്ചിട്ടില്ല.