കടുത്തുരുത്തി : എസ് എം വൈ എം പാലാ രൂപതയുടെയും എസ് എം വൈ എം കടുത്തുരുത്തി ഫൊറോനയുടേയും സംയുക്താഭിമുഖ്യത്തിൽ ,പാലാ രൂപതയിലെ വിവിധ ഫൊറോനകളിൽ നിന്ന് എത്തിച്ചേർന്ന യുവജനങ്ങളുടെയും നേതൃത്വത്തിൽ ,മദ്യം മയക്കുമരുന്ന് പോലുള്ള സാമൂഹിക തിന്മകൾക്കെതിരെ നടത്തപ്പെട്ട സാമൂഹിക ബോധവൽക്കരണ പ്രതിഷേധറാലി 14 – 05-2022 ,ഉച്ചതിരിഞ്ഞ് 2:30 – ന് മുട്ടുചിറ ഫൊറോന പള്ളിയിൽ നിന്ന് ആരംഭിച്ചു.എസ് എം വൈ എം കടുത്തുരുത്തി ഫൊറോന പ്രസിഡൻറ് തോമസ് വേലം സ്വാഗതം ഏവരെയും സ്വാഗതം ചെയ്തു.എസ് എം വൈ എം പാലാ രൂപതാ പ്രസിഡൻറ് ജോസഫ് സെബാസ്റ്റ്യൻ കിണറ്റുകര, കടുത്തുരുത്തി വലിയ പള്ളി വികാരി റവ.ഫാ.അബ്രഹാം പറമ്പേട്ട് ആശംസകൾ അറിയിച്ചു. മുട്ടുചിറ ഫൊറോന വികാരി റവ.ഫാ.അബ്രഹാം കൊല്ലിത്താനത്തുമലയിൽ മുഖ്യപ്രഭാഷണം നടത്തി റാലി ഫ്ലാഗ് ഓഫ് ചെയ്തു. 2:45-ന് മുട്ടുചിറയിൽ നിന്ന് റാലി ആരംഭിച്ച് കൃത്യം 3:30 – ന് കടുത്തുരുത്തി പള്ളിയിൽ എത്തിച്ചേർന്നു.കടുത്തുരുത്തി താഴത്തുപള്ളിയിൽ വച്ച് നടന്ന സമാപന സമ്മേളനത്തിൽ,കടുത്തുരുത്തി ഫെറോനാ പള്ളി വികാരി ഫാ സെബാസ്റ്റ്യൻ കൊല്ലംപറമ്പിൽ, എസ് എം വൈ എം പാലാ രൂപത മുൻ ഡയറക്ടർ റവ.ഫാ.ജേക്കബ് വെള്ളമരുതുങ്കൽ,എസ് എം വൈ എം പാലാ രൂപതാ ഡയറക്ടർ റവ.ഫാ.മാണി കൊഴുപ്പൻ കുറ്റി,എസ് എം വൈ എം കടുത്തുരുത്തി ഫൊറോന ഡയറക്ടർ റവ.ഫാ.സെബാസ്റ്റ്യൻ ചാമക്കാലായിൽ , കെ സി വൈ എം സംസ്ഥാന പ്രസിഡൻറ് ഷിജോ ഇടയാലി,എസ് എം വൈ എം ഗ്ലോബൽ കൗൺസിലർ അഡ്വ.സാം സണ്ണി എന്നിവർ ആശംസകൾ അറിയിച്ചു.എസ് എം വൈ എം പാലാ രൂപത ജനറൽ സെക്രട്ടറി ഡിബിൻ വാഴപ്പറമ്പിൽ നന്ദി പ്രസംഗം നടത്തി സമ്മേളനം സമാപിച്ചു.
