ഷാജി കൈലാസിന്റെ 'ഹണ്ട്' ആരംഭിച്ചു

ഷാജി കൈലാസ് സംവിധാനം ചെയ്യുന്ന ‘ഹണ്ട്’ എന്ന ചിത്രത്തിന്റെ ചിത്രീകരണത്തിന് പാലക്കാട് തുടക്കമിട്ടു. കഞ്ചിക്കോട്ട് നടന്ന ചടങ്ങിൽ ഷാജി കൈലാസ് ദീപം തെളിയിച്ചാണ് ഷൂട്ടിങിന് തുടക്കമിട്ടത്. നടി ഭാവനയാണ് ആദ്യ ഷോട്ടിൽ അഭിനയിച്ചത്. മെഡിക്കൽ ക്യാമ്പസിന്റെ പശ്ചാത്തലത്തിൽ ആണ് സിനിമ ഒരുക്കുന്നത്. പാലക്കാടും പരിസരങ്ങളിലുമായിട്ടാണ് സിനിമയുടെ ചിത്രീകരണം.