ഷാജൻ പി ജോർജിനെ ആദരിച്ചു

കൊച്ചി : കെ. സി.ബി സി മദ്യ വിരുദ്ധ സമിതി മധ്യമേഖല ജനറൽ സെക്രട്ടറിയായി തെരഞ്ഞെടുക്കപ്പെട്ട ഷാജൻ പി ജോർജിനെ വരാപ്പുഴ അതിരൂപത പോണേൽ സെന്റ് ഫ്രാൻസീസ് സേവ്യർ പള്ളിയിൽ നടന്ന ലഹരി വിരുദ്ധ ബോധവത്ക്കരണ സെമിനാറിൽ വികാരി ഫാ.ജോർജ് കുറുപ്പത്ത് പൊന്നാട അണിയിച്ച് ആദരിച്ചു. വരാപ്പുഴ അതിരൂപതാ പ്രസിഡന്റ് കൂടിയാണ് ഷാജൻ .
ചടങ്ങിൽ അതിരൂപതാ ഡയറക്ടർ ഫാ.അഗസ്റ്റിൻ ബൈജു കുറ്റിക്കൽ , സംസ്ഥാന വക്താവ് അഡ്വ. ചാർളി പോൾ , സഹ വികാരി ഫാ നിബിൻ കുര്യാക്കോസ്, യൂണിറ്റ് പ്രസിഡന്റ് എം.വി ജോർജ് മാക്കാ പറമ്പിൽ , സെക്രട്ടറി എം എ ജോർജ് മുല്ലോത്ത് എന്നിവർ പ്രസംഗിച്ചു.