നാളെ മുതൽ കോഴിക്കോട് കോർപറേഷൻ പരിധിയിലെ സ്കൂളുകൾക്ക് അവധി

61-ാമത് സംസ്ഥാന സ്കൂൾ കലോത്സവത്തിന്റെ ഭാഗമായി കോഴിക്കോട് കോർപറേഷൻ പരിധിയിലെ സ്കൂളുകൾക്ക് അവധി പ്രഖ്യാപിച്ചു. കലോത്സവം നടക്കുന്ന ജനുവരി 3 മുതൽ 7വരെയായിരിക്കും അവധി. കോഴിക്കോട് വിദ്യാഭ്യാസ ഡെപ്യൂട്ടി ഡയറക്ടർ മനോജ് മണിയൂർ ആണ് ഇക്കാര്യം അറിയിച്ചത്. കോർപറേഷൻ പരിധിയിലെ മുഴുവൻ ഹയർ സെക്കൻഡറി സ്കൂളുകൾക്കും വൊക്കേഷനൽ ഹയർ സെക്കൻഡറി സ്കൂളുകൾക്കും അവധി പ്രഖ്യാപിച്ചിട്ടുണ്ട്.