സന്തോഷ് ട്രോഫിയിൽ വിജയം തുടർന്ന് കേരളം

സന്തോഷ് ട്രോഫി ഫുട്ബോളിൽ തുടർച്ചയായ രണ്ടാം ജയം സ്വന്തമാക്കി കേരളം. ബിഹാറിനെ ഒന്നിനെതിരെ 4 ഗോളുകൾക്കാണ് കേരളം തകർത്തത്. നിജോ ഗിൽബെർട്ടിന്റെ ഇരട്ട ഗോളുകൾ കേരളത്തിന് കരുത്തായി. വിശാഖ് മോഹൻ, മുമൊ അബ്ദു റഹീം എന്നിവരും കേരളത്തിനായി സ്കോർ ചെയ്തു. ആദ്യ മത്സരത്തിൽ കേരളം രാജസ്ഥാനെ 7-0ന് തോൽപ്പിച്ചിരുന്നു. രണ്ട് മത്സരങ്ങളിൽ നിന്ന് 6 പോയിന്റുമായി കേരളമാണ് ഗ്രൂപ്പിൽ ഒന്നാമത് ഉള്ളത്.