കേരളം ഇന്ന് മിസോറാമിനെ നേരിടും

സന്തോഷ് ട്രോഫി ഫുട്ബോളിൽ കേരളം ഇന്ന് മിസോറാമിനെ നേരിടും. തുടർച്ചയായ അഞ്ചാം ജയം ലക്ഷ്യമിട്ടാണ് ഇരു ടീമുകളും മത്സരത്തിന് ഇറങ്ങുന്നത്. ഇരു ടീമുകൾക്കും ഒരേ പോയിന്റാണ് ഉള്ളതെങ്കിലും ഗോൾ ശരാശരിയിൽ കേരളമാണ് മുന്നിൽ. 4 മത്സരങ്ങളിൽ നിന്ന് 19 ഗോൾ നേടിയ കേരളം ഒരു ഗോൾ മാത്രമാണ് വഴങ്ങിയത്. ഗ്രൂപ്പ് 2ലെ അവസാന മത്സരമായ ഇതും ജയിച്ച് അടുത്ത റൗണ്ടിലേക്ക് കടക്കുകയാണ് കേരളത്തിന്റെ ലക്ഷ്യം.