ഋഷഭ് പന്തിന്റെ കാർ അപകടത്തിൽപ്പെട്ടു

ഇന്ത്യൻ ക്രിക്കറ്റ് താരം ഋഷഭ് പന്തിന്റെ കാർ അപകടത്തിൽപ്പെട്ടു.

താരത്തിന് ഗുരുതര പരുക്കേറ്റുവെന്നായിരുന്നു റിപ്പോർട്ട്, എന്നാൽ നിലവിൽ ഋഷഭ് പന്ത് അപകട നില തരണം ചെയ്തു എന്നാണ് വിവരം. ഡൽഹിയിൽ നിന്ന് വീട്ടിലേക്ക് വരുംവഴിയാണ് അപകടം സംഭവിച്ചത്. ഇന്ന് രാവിലെയാണ് ഹമ്മദപുർ ഝലിന് സമീപം റൂർകിയിലെ നാർസൻ അതിർത്തിയിൽ വച്ചാണ് കാർ അപകടം ഉണ്ടായത്.

കാർ ഡിവൈഡറിൽ തട്ടി മറിഞ്ഞ് തീ പിടിക്കുകയായിരുന്നു. ആദ്യം റൂർകിയിലെ സക്ഷം ആശുപത്രിയിൽ പ്രവേശിപ്പിച്ച പന്തിനെ വിദഗ്ദ ചികിത്സക്കായി ഡെഹ്രാഡൂണിലെ മാക്‌സ് ആശുപത്രിയിലേക്ക് മാറ്റി.