പൂഞ്ഞാർ സെന്റ് ആന്റണീസ് എൽ.പി.സ്കൂളിൽ പഠനോത്സവം; പോലീസും, ഫയർഫോഴ്സും, ഡോക്ടറും കുട്ടികളോടൊപ്പം റൈസ് അപ് വേദിയിലെത്തി
പൂഞ്ഞാർ : വിവിധ വകുപ്പുതല മേധാവികൾ പൂഞ്ഞാർ സെന്റ് ആന്റണീസ് സ്കൂളിലെ റൈസ് അപ് പഠനോത്സവ വേദിയിലെത്തി കുട്ടികളുടെ ചോദ്യങ്ങൾക്ക് ഉത്തരം നൽകിയത് ശ്രദ്ധേയമായി. പഠനോത്സവത്തിലെ കുട്ടികളുടെ വ്യത്യസ്തതയാർന്ന പ്രവർത്തനങ്ങൾ രക്ഷാകർത്താക്കൾക്കും പുതിയ അനുഭവങ്ങൾ പകർന്നു.
പൂഞ്ഞാർ തെക്കേക്കര ഗ്രാമ പഞ്ചായത്ത് പ്രസിഡന്റ് ജോർജ് മാത്യു അത്തിയാലിൽ ഉദ്ഘാടനം ചെയ്തു. സ്കൂൾ മാനേജർ റവ.ഫാ. ചാണ്ടി കിഴക്കയിൽ അധ്യക്ഷനായി.
ഈരാറ്റുപേട്ട പോലീസ് സ്റ്റേഷൻ ഹൗസ് ഓഫീസർ ബാബു സെബാസ്റ്റ്യൻ,ഫയർഫോഴ്സ് അസിസ്റ്റന്റ് സ്റ്റേഷൻ ഓഫീസർ ബിനു സെബാസ്റ്റ്യൻ, മെഡിക്കൽ ഓഫീസർ ഡോ. പറ്റി രാജ് എന്നിവർ വിവിധ വകുപ്പുകളുമായി ബന്ധപ്പെട്ട കുട്ടികളുമായി സംവാദം നടത്തി. പ്രധാന അധ്യാപിക ഷൈനി മാത്യു, അനിൽകുമാർ മഞ്ഞപ്ലാക്കിൽ, സജി സിബി തുടങ്ങിയവർ സംസാരിച്ചു.
വാർത്തകൾക്കായി പാലാ വിഷന്റെ കമ്മ്യൂണിറ്റിയിൽ അംഗമാകുക
https://chat.whatsapp.com/LaaDUaR3VUGFfezf7dx3Em
👉 visit our website pala.vision
