ഉച്ചഭക്ഷണ പദ്ധതിയിൽ ഉൾപ്പെട്ട പ്രീ-പ്രൈമറി മുതൽ എട്ടാം ക്ലാസ്സ് വരെയുള്ള കുട്ടികൾക്കാണ് അരി ലഭിക്കുക
തിരുവനന്തപുരം: സംസ്ഥാനത്തെ 26,16,657 വിദ്യാർത്ഥികൾക്ക് അവധിക്കാലത്ത് 4 കിലോഗ്രാം വീതം അരി വിതരണം ചെയ്യുമെന്ന് മന്ത്രി വി.ശിവൻകുട്ടി. ഉച്ചഭക്ഷണ പദ്ധതിയിൽ ഉൾപ്പെട്ട പ്രീ-പ്രൈമറി മുതൽ എട്ടാം ക്ലാസ്സ് വരെയുള്ള കുട്ടികൾക്കാണ് അരി ലഭിക്കുക. കേരള സ്റ്റേറ്റ് സിവിൽ സപ്ലൈസ് കോർപ്പറേഷന്‍റെ കൈവശം സ്റ്റോക്കുള്ള 17,417 മെട്രിക് ടൺ അരിയിൽ നിന്നാണ് വിതരണം ചെയ്യുന്നത്‌. അരി സപ്ലൈക്കോ സ്കൂ‌ളുകളിൽ നേരിട്ട് എത്തിച്ച് നൽകുമെന്ന് മന്ത്രി അറിയിച്ചു.
