അനുദിന വചന വിചിന്തനം | നോമ്പ് ആറാം ചൊവ്വ | 2022 ഏപ്രിൽ 05
(വി.യോഹന്നാൻ :15:18-27)
ക്രിസ്തുശിഷ്യർക്കുള്ള ചില മുന്നറിയിപ്പുകൾ കൃത്യമായി ക്രിസ്തു അരുളിചെയ്തിട്ടുണ്ട്. ദൈവമായിരുന്നിട്ടും ജനം അവനെ തിരിച്ചറിഞ്ഞില്ല. അതിദാരുണമാം വിധമുള്ള പീഢകൾക്ക് അവനെ അവർ വിധേയനാക്കി. സമാനമായി ശിഷ്യനും വിശ്വാസ പാതയിൽ സരളമല്ലാത്ത, അവിശ്വസനീയമായ ചില പീഡകളും സഹനങ്ങളും കടന്നുവരാം എന്ന മുന്നറിയിപ്പ് ക്രിസ്തു നല്കുന്നു. ദൈവമാണ് തിരഞ്ഞെടുത്തത് എന്നതിന്റെ വ്യക്തമായ ചില അടയാളമായി ക്രിസ്തു സൂചിപ്പിക്കുന്നതും ലോകത്തിൽ നിന്ന് നേരിടേണ്ടി വരുന്ന സഹനവഴികൾ തന്നെ.
നോമ്പ് സഹനജീവിതത്തെ സ്നേഹിക്കാൻ കരുത്തു പകരട്ടെ.
