ദോഹയിലെ ഇസ്രയേല് ആക്രമണത്തിന് പിന്നാലെ ഖത്തര് പ്രധാനമന്ത്രി ഷെയ്ഖ് മുഹമ്മദ് ബിന് അബ്ദുള് റഹ്മാന് അല്താനിയുമായി യുഎസ് പ്രസിഡന്റ് ഡോണള്ഡ് ട്രംപ് ഇന്ന് കൂടിക്കാഴ്ച നടത്തും.
ഇസ്രയേല് ആക്രമണത്തെ ട്രംപ് എതിര്ക്കുന്നുവെന്ന് സൂചനകള് പുറത്തുവന്നതിന് പിന്നാലെയാണ് ഏറെ നിര്ണായകമായ ഈ കൂടിക്കാഴ്ച. വാഷിംഗ്ടണില് നടക്കുന്ന അത്താഴവിരുന്നിലാണ് ഇരുനേതാക്കളും കൂടിക്കാഴ്ച നടത്തുന്നത്.
പശ്ചിമേഷ്യന് പ്രതിനിധി സ്റ്റീവ് വിറ്റ്കോഫും വിരുന്നില് പങ്കെടുക്കും. യുഎസ്- ഖത്തര് സുരക്ഷാ കരാറിന്റെ സാധ്യതയെക്കുറിച്ചാകും ഇരുനേതാക്കളും ചര്ച്ച ചെയ്യുകയെന്നാണ് വിവരം.
