പുതുപ്പള്ളി: വരാനിരിക്കുന്ന ഉപതിരഞ്ഞെടുപ്പിൽ പുതുപ്പള്ളി മണ്ഡലം പുതിയൊരു ചരിത്രത്തിന് സാക്ഷ്യം വഹിക്കുമെന്ന് യുഡിഎഫ് സ്ഥാനാർത്ഥി ചാണ്ടി ഉമ്മൻ. പുതുപ്പള്ളിയിൽ നടന്ന യുഡിഎഫ് കൺവെൻഷനിൽ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. പതിറ്റാണ്ടുകളായി തന്റെ പിതാവ് ഉമ്മൻ ചാണ്ടി കാത്തുസൂക്ഷിച്ച സ്നേഹബന്ധം പുതുപ്പള്ളി ഇത്തവണയും നിലനിർത്തുമെന്ന് അദ്ദേഹം ആത്മവിശ്വാസം പ്രകടിപ്പിച്ചു.
“ഇത് പുതുപ്പള്ളിയുടെ ഹൃദയവികാരമാണ്. എന്റെ അപ്പൻ ഈ മണ്ഡലത്തിന് നൽകിയ കരുതല് പുതുപ്പള്ളിക്കാർ മറക്കില്ല. ആ വികസന തുടർച്ചയ്ക്കും സ്നേഹത്തിനും ജനങ്ങൾ നൽകുന്ന അംഗീകാരം ഈ തിരഞ്ഞെടുപ്പിൽ ചരിത്രം തിരുത്തിക്കുറിക്കുന്ന ഭൂരിപക്ഷമായി മാറും.” – ചാണ്ടി ഉമ്മൻ പറഞ്ഞു.
