രാമപുരം : പ്രധാനതിരുനാളിന് ഒരു ദിവസം മാത്രം ബാക്കി നിൽക്കെ തിരുനാൾ ഒരുക്കത്തിന്റെ 8 -ാം ദിവസമായ ഇന്നലെ ഇടമുറിയാതെ ഭക്തജനങ്ങൾ വാഴ്ത്തപ്പെട്ട കുഞ്ഞച്ചന്റെ കബറിടത്തിങ്കലെത്തി.
രാവിലെ 9 മണിക്ക് അന്തിനാട് സെന്റ് . ജോസഫ് പള്ളിവികാരി ഫാ . സെബാസ്റ്റ്യൻ പഴേപറമ്പിൽ വിശുദ്ധ കുർബാനയർപ്പിച്ചു. മഹത്വപൂർണമായ മരണാനന്തര ജീവിതത്തെക്കുറിച്ചുള്ള പ്രത്യാശ പകർന്നു നല്കിയവനായിരുന്നു കുഞ്ഞച്ചൻ എന്ന് വചന സന്ദേശത്തിൽ അദ്ദേഹം അനുസ്മരിച്ചു . 11 മണിക്ക് നീറന്താനം സെന്റ് . തോമസ് പള്ളിവികാരി ഫാ . എമ്മാനുവൽ കൊട്ടാരത്തിൽ വിശുദ്ധ കുർബാനയർപ്പിച്ചു. ദിവ്യകാരുണ്യത്തിൽ നിന്ന് ആശ്വാസം സ്വീകരിച്ച് കുഞ്ഞച്ചൻ ദൈവജനത്തിന് നൽകി – പ്രസംഗത്തിൽ അച്ഛൻ വ്യക്തമാക്കി.
ഉച്ചകഴിഞ്ഞു 3 മണിക്ക് ചക്കാമ്പുഴ ലൊരേത്തുമാതാ പള്ളിവികാരി ഫാ . ജോസഫ് വെട്ടം വിശുദ്ധ കുർബാനയർപ്പിച്ചു. ഓരോ വ്യക്തിയുടെയും ആത്മാവിന്റെ വില തിരിച്ചറിഞ്ഞവനായിരുന്നു കുഞ്ഞച്ചൻ എന്ന് വചന വ്യാഖ്യാനത്തിൽ ഫാ . ജോസഫ് ചൂണ്ടിക്കാട്ടി .
വൈകിട്ട് 4 മണിക്ക് പാലാ രൂപത കോർപ്പറേറ്റ് എഡ്യൂക്കേഷണൽ സെക്രട്ടറി ഫാ .ജോർജ് പുല്ലുകാലായിൽ തിരുക്കർമ്മങ്ങൾക്ക് കാർമ്മികത്വം വഹിച്ചു. തന്റെ വിശുദ്ധ ജീവിതത്തിലൂടെ ക്രിസ്തുവിനെ സന്നിഹിതനാക്കി സമൂഹത്തിന് നല്കിയവനായിരുന്നു വാഴ്ത്തപ്പെട്ട കുഞ്ഞച്ചൻ എന്ന് വചന പ്രസംഗത്തിൽ അദ്ദേഹം വിശദമാക്കി .
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/E7UdXzZbCi1HWIDpHjZp9r
പാലാ വിഷൻ വാട്സ്ആപ്പ് ചാനൽ
https://whatsapp.com/channel/0029VaOkK347dmeU81dBvf2X
പാലാ വിഷൻ ഇൻസ്റ്റാഗ്രാം
https://www.instagram.com/pala.vision
വിഷൻ യൂ ട്യൂബ് ചാനൽ
https://youtube.com/@palavision
പാലാ വിഷൻ വെബ്സൈറ്റ്
http://pala.vision
