പെരുമ്പാവൂർ: കൂവപ്പടി ഗണപതി വിലാസം ഹൈസ്ക്കൂളിലെ വിദ്യാർത്ഥികൾക്കായി ലഹരി വിരുദ്ധ ബോധവത്ക്കരണ സെമിനാറും ലഹരി വിരുദ്ധ പ്രതിജ്ഞയും സംഘടിപ്പിച്ചു. സെമിനാർ സ്ക്കൂൾ മാനേജർ അഡ്വ. എൻ നടരാജൻ ഉദ്ഘാടനം ചെയ്തു. ചടങ്ങിൽ ഹെഡ് മാസ്റ്റർ ബിജു പോൾ അധ്യക്ഷനായിരുന്നു. പി.റ്റി എ.പ്രസിഡന്റ് പി.കെ ജെയ് സൺ, എസ്. ബിന്ദു എന്നിവർ പ്രസംഗിച്ചു. നശാ മുക്ത് ഭാരത് അഭിയാൻ മാസ്റ്റർ ട്രെയ്നർ അഡ്വ. ചാർളി പോൾ , അഡ്വ. സ്റ്റെർവിൻ സേവ്യർ എന്നിവർ ക്ലാസുകൾ നയിച്ചു. വിദ്യാർത്ഥികൾ ലഹരി വിരുദ്ധ പ്രതിജ്ഞയെടുത്തു.
ചിത്രം : കൂവപ്പടി ഗണപതി വിലാസം ഹൈസ്ക്കൂളിൽ സംഘടിപ്പിച്ച ലഹരി വിരുദ്ധ സെമിനാറിൽ നശാ മുക്ത് ഭാരത് അഭിയാൻ മാസ്റ്റർ ട്രെയ്നർ അഡ്വ ചാർളി പോൾ ക്ലാസെടുക്കുന്നു
