PALA VISION

PALA VISION

ഇറ്റാലിയന്‍ പ്രസിഡന്റ് സെര്‍ജിയോ മറ്റെരല്ലക്ക് പ്രശസ്തമായ പോള്‍ ആറാമന്‍ പുരസ്കാരം

spot_img

Date:

വത്തിക്കാൻ സിറ്റി: 1963 മുതല്‍ 1978 വരെ വിശുദ്ധ പത്രോസിന്റെ പിന്‍ഗാമിയായി സഭയെ നയിച്ച വിശുദ്ധ പോള്‍ ആറാമന്‍ മാര്‍പാപ്പയുടെ പേരില്‍ സ്ഥാപിതമായ പ്രശസ്തമായ ‘പോള്‍ ആറാമന്‍ ഇന്റര്‍നാഷ്ണല്‍ പുരസ്കാരം’ ഇറ്റാലിയന്‍ പ്രസിഡന്റ് സെര്‍ജിയോ മറ്റരെല്ലക്ക്. വരുന്ന മെയ് 29-ന് വത്തിക്കാനിലെ ക്ലമന്റ് ഹാളില്‍വെച്ച് ഫ്രാന്‍സിസ് പാപ്പയാണ് അവാര്‍ഡ് കൈമാറുക. പോള്‍ ആറാമന്‍, മാര്‍പാപ്പയായി തിരഞ്ഞെടുക്കപ്പെട്ടതിന്റെ അറുപതാം വാര്‍ഷികം കൂടിയാണ് ഇക്കൊല്ലമെന്നത് ശ്രദ്ധേയമാണ്. 1979-ല്‍ ബ്രെസിയായിലെ പോള്‍ ആറാമന്‍ ഇന്‍സ്റ്റിറ്റ്യൂട്ടാണ് പോള്‍ ആറാമന്‍ ഇന്റര്‍നാഷ്ണല്‍ പുരസ്ക്കാരം സ്ഥാപിച്ചത്. ഇക്കഴിഞ്ഞ ഏപ്രില്‍ 19-ന് വിളിച്ചു ചേര്‍ത്ത പത്രസമ്മേളനത്തില്‍ പോള്‍ ആറാമന്‍ ഇന്‍സ്റ്റിറ്റ്യൂട്ട് ഇത് സംബന്ധിച്ച പ്രഖ്യാപനം നടത്തുകയായിരുന്നു.

തങ്ങളുടെ പ്രവര്‍ത്തനങ്ങളും പഠനങ്ങളും വഴി ലോകത്ത് വിശ്വാസപരമായ അര്‍ത്ഥത്തിന് കൂടുതല്‍ വളര്‍ച്ച നല്‍കിയവര്‍ക്കാണ് അവാര്‍ഡ് നല്‍കി ആദരിക്കുന്നത്. പാലര്‍മോ സ്വദേശിയും എൺപത്തിയൊന്നുകാരനുമായ മാറ്റരല്ല സജീവ കത്തോലിക്ക വിശ്വാസിയും, ജോര്‍ജ്ജിയോ നാപ്പോളിറ്റാനോക്ക് ശേഷം ഏറ്റവും കൂടുതല്‍ കാലം ഇറ്റലിയുടെ പ്രസിഡന്റായി സേവനം ചെയ്ത വ്യക്തി കൂടിയാണ്. 2015 മുതലാണ് മാറ്റെരല്ല ഇറ്റലിയുടെ പ്രസിഡന്റായി സേവനം ചെയ്തു വരുന്നത്. അവാര്‍ഡ് കൈമാറുവാനുള്ള ക്ഷണം സ്വീകരിച്ചതിന് പോള്‍ ആറാമന്‍ ഇന്‍സ്റ്റിറ്റ്യൂട്ടിന്റെ പ്രസിഡന്റായ ഫാ. ആഞ്ചെലോ മാഫെയിസ്, ഫ്രാന്‍സിസ് പാപ്പക്ക് നന്ദി അറിയിച്ചു.

പോള്‍ ആറാമന്റെ പ്രബോധനങ്ങളെക്കുറിച്ചും, രചനകളെ കുറിച്ചും കൂടുതല്‍ പഠിക്കുകയും പ്രചരിപ്പിക്കുകയും ചെയ്യുക എന്ന ലക്ഷ്യത്തോടെ സ്ഥാപിതമായതാണ് പോള്‍ ആറാമന്‍ ഇന്‍സ്റ്റിറ്റ്യൂട്ട്. 1968-ല്‍ പോള്‍ ആറാമന്‍ പ്രസിദ്ധീകരിച്ച മനുഷ്യ ജീവന്‍ (ഹ്യുമാനെ വിറ്റെ) ആഗോളതലത്തില്‍ തന്നെ ശ്രദ്ധിക്കപ്പെട്ട പ്രബോധന രേഖയാണ്. ഹാന്‍സ് ഉര്‍സ് വോണ്‍ ബെല്‍ത്താസര്‍ (1984), ഒളിവിയര്‍ മെസ്സിയായെന്‍ (1988), ഓസ്കാര്‍ കുള്‍മാന്‍ (1993), പോള്‍ റിക്കോയൂര്‍ (2003) തുടങ്ങിയ പ്രമുഖര്‍ മുന്‍ കാലങ്ങളില്‍ ഈ അവാര്‍ഡിനു അര്‍ഹരായിട്ടുള്ളവരാണ്.

വാർത്തകൾക്കായി പാലാ വിഷന്റെ കമ്മ്യൂണിറ്റിയിൽ അംഗമാകുക
https://chat.whatsapp.com/LaaDUaR3VUGFfezf7dx3Em
👉 visit our website pala.vision

spot_img
spot_img
spot_img

വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/DX6BuBLs9Yg85MLxY1e0gg
പാലാ വിഷൻ വാട്സ്ആപ്പ് ചാനൽ
https://whatsapp.com/channel/0029VaOkK347dmeU81dBvf2X
പാലാ വിഷൻ ഇൻസ്റ്റാഗ്രാം
https://www.instagram.com/pala.vision
പാലാ വിഷൻ യൂ ട്യൂബ് ചാനൽ
https://youtube.com/@palavision
പാലാ വിഷൻ വെബ്സൈറ്റ്
https://pala.vision

spot_img

LEAVE A REPLY

Please enter your comment!
Please enter your name here

spot_img
spot_img

Share post:

spot_img

Subscribe

spot_imgspot_img
spot_imgspot_img

Popular

More like this
Related