പാരാ ബോഡി ബിൽഡിങ് ചാമ്പ്യൻഷിപ്പ്; മലയാളികൾക്ക് അഭിമാനം!

മലയാളികൾക്ക് അഭിമാനിക്കാൻ മിസ്റ്റർ ഇന്ത്യയായി തിരുവനന്തപുരം സ്വദേശി അനീത് സുരേന്ദ്രൻ. ഇന്ത്യൻ ബോഡി ബിൽഡേഴ്സ് ഫെഡറേഷൻ (IBBF)ന്റെ നാഷണൽ ചാമ്പ്യൻഷിപ്പ് 2023 ലെ പാരാ ബോഡി ബിൽഡിങ് കാറ്റഗറിയിലാണ് അനീത് ഈ പട്ടം നേടിയത്. മധ്യപ്രദേശിൽ നടന്ന മത്സരത്തിൽ പത്തോളം പേരാണ് അവസാന ഘട്ടത്തിലെത്തിയത്. തിരുവനന്തപുരം മലയങ്കീഴ് ശാന്തമൂല സ്വദേശിയായ അനീത് തൊഴിൽ വകുപ്പിലെ സീനിയർ ക്ലർക്കാണ്.