പാകിസ്ഥാൻ : രാജ്യത്ത് നിലനിൽക്കുന്ന രാഷ്ട്രീയ പ്രതിസന്ധികൾക്കിടയിൽ, പാകിസ്ഥാൻ മുൻ ചീഫ് ജസ്റ്റിസ് ഗുൽസാർ അഹമ്മദിനെ താൽക്കാലിക പ്രധാനമന്ത്രിയുടെ ഓഫീസിലേക്ക് നിലവിലെ ഇമ്രാൻ ഖാൻ തിങ്കളാഴ്ച നാമനിർദ്ദേശം ചെയ്തു.
താൽക്കാലിക പ്രധാനമന്ത്രിയെ നിയമിക്കുന്നതിനുള്ള നിർദ്ദേശങ്ങൾ ആവശ്യപ്പെട്ട് പ്രസിഡന്റ് ആരിഫ് അൽവി തിങ്കളാഴ്ച പ്രധാനമന്ത്രി ഖാനും പ്രതിപക്ഷ നേതാവ് ഷെഹ്ബാസ് ഷെരീഫിനും കത്തയച്ചതിന് പിന്നാലെയാണ് പ്രഖ്യാപനം. പാർട്ടിയുടെ കോർ കമ്മിറ്റിയുടെ അംഗീകാരത്തിന് ശേഷമാണ് പ്രധാനമന്ത്രി തീരുമാനമെടുത്തതെന്ന് മുൻ ഇൻഫർമേഷൻ മന്ത്രിയും പാകിസ്ഥാൻ തെഹ്‌രീകെ ഇൻസാഫ് പാർട്ടിയുടെ മുതിർന്ന നേതാവുമായ ഫവാദ് ചൗധരി പറഞ്ഞു.
