രാമപുരം: പാലാ നിയോജകമണ്ഡലത്തിന്റെ വികസന മുന്നേറ്റം വീണ്ടും ശക്തിപ്പെടുത്തേണ്ട സമയമാണിതെന്നും, മുൻമന്ത്രി കെ.എം. മാണിയുടെ കാലത്ത് ആരംഭിച്ച വികസന പാതയിലേക്ക് പാലായെ തിരിച്ചുകൊണ്ടുവരേണ്ടതുണ്ടെന്നും എൽഡിഎഫ് പാലാ നിയോജകമണ്ഡലം സ്ഥാനാർത്ഥി ജോസ് കെ മാണി പറഞ്ഞു.
രാമപുരം പഞ്ചായത്തിൽ നടന്ന എൽഡിഎഫ് തിരഞ്ഞെടുപ്പ് കൺവെൻഷനിൽ സംസാരിക്കുകയായിരുന്നു അദ്ദേഹം.അരനൂറ്റാണ്ടിലേറെക്കാലം പാലാ നിയോജകമണ്ഡലത്തെ പ്രതിനിധീകരിച്ച കെ.എം. മാണി പാലായുടെ രാഷ്ട്രീയ-വികസന ചരിത്രത്തിൽ നിർണായക സ്വാധീനം ചെലുത്തിയ നേതാവാണെന്ന് ജോസ് കെ മാണി പറഞ്ഞു. കേരള രാഷ്ട്രീയത്തിൽ തന്നെ വലിയ സ്ഥാനമുണ്ടാക്കിയ കെ.എം. മാണിയുടെ നേതൃത്വത്തിൽ പാലാ മണ്ഡലത്തിൽ നിരവധി വികസന പദ്ധതികൾ ആവിഷ്കരിക്കുകയും നടപ്പാക്കുകയും ചെയ്തിരുന്നു. ആ കാലഘട്ടത്തിലാണ് പാലാ കേരളത്തിന്റെ വികസന ഭൂപടത്തിൽ ശക്തമായി ഇടം നേടിയതെന്നും അദ്ദേഹം പറഞ്ഞു.
ഏപ്രിൽ 9ന് നടക്കുന്ന നിയമസഭാ തിരഞ്ഞെടുപ്പിന് പ്രത്യേകമായൊരു ചരിത്രസ്മരണയുണ്ടെന്നും ജോസ് കെ മാണി പറഞ്ഞു. പാലായുടെ “മാണിക്യം” എന്നറിയപ്പെട്ടിരുന്ന കെ.എം. മാണി ഏഴ് വർഷങ്ങൾക്ക് മുമ്പ് ഏപ്രിൽ 9നാണ് വിടപറഞ്ഞത്. അന്ന് പല മാധ്യമങ്ങളും “പാലാ അനാഥമായി” എന്ന തലക്കെട്ടോടെയാണ് വാർത്തകൾ നൽകിയതെന്നും അദ്ദേഹം ഓർമ്മിപ്പിച്ചു. ഏഴ് വർഷങ്ങൾക്ക് ശേഷം പിന്നോട്ടുനോക്കുമ്പോൾ ആ വാക്കുകൾ യാഥാർത്ഥ്യമാകുന്നതുപോലുള്ള സാഹചര്യമാണുണ്ടായിരിക്കുന്നതെന്നും കൂട്ടിച്ചേർത്തു.
കെ.എം. മാണിയുടെ കാലത്ത് ആവിഷ്കരിച്ച നിരവധി പദ്ധതികൾ പാലായിൽ നടപ്പാക്കിയെങ്കിലും, അദ്ദേഹത്തിന്റെ നിര്യാണത്തിന് ശേഷം പുതിയ പദ്ധതികൾ മണ്ഡലത്തിലേക്ക് എത്തിക്കുന്നതിൽ കാര്യമായ പുരോഗതി ഉണ്ടായിട്ടില്ലെന്നും ജോസ് കെ മാണി വിമർശിച്ചു. കെ.എം. മാണി ആവിഷ്കരിച്ച പദ്ധതികളിൽ പലതും ഏകദേശം 90 ശതമാനം പൂർത്തിയായിട്ടുണ്ടെങ്കിലും ശേഷിക്കുന്ന ഭാഗങ്ങൾ പോലും പൂർത്തിയാക്കാൻ കഴിഞ്ഞിട്ടില്ലെന്നും അദ്ദേഹം ആരോപിച്ചു.
പാലായുടെ വികസനത്തിന്റെ പ്രതീകമായി അറിയപ്പെട്ടിരുന്ന കെഎസ്ആർടിസി സ്റ്റാൻഡിന്റെ നിലവിലെ അവസ്ഥ തന്നെ മണ്ഡലത്തിന്റെ വികസന മന്ദഗതിയുടെ ഉദാഹരണമാണെന്ന് അദ്ദേഹം ചൂണ്ടിക്കാട്ടി. ഒരിക്കൽ 200ഓളം ബസുകൾ സർവീസ് നടത്തിയിരുന്ന സ്റ്റാൻഡിൽ ഇന്ന് 50 മുതൽ 60 വരെ ബസുകൾ മാത്രമാണ് പ്രവർത്തിക്കുന്നതെന്നും ഇത് പാലായുടെ സാമ്പത്തിക സജീവത കുറയുന്നുവെന്നതിന്റെ സൂചനയാണെന്നും അദ്ദേഹം പറഞ്ഞു.
ഇലവീഴാപ്പൂഞ്ചിറ ഉൾപ്പെടെയുള്ള ടൂറിസം സാധ്യതകൾ വികസിപ്പിക്കുന്നതിന് മുൻകാലങ്ങളിൽ പദ്ധതികൾ തയ്യാറാക്കിയിരുന്നുവെങ്കിലും അവയെ യാഥാർത്ഥ്യമാക്കാൻ കഴിഞ്ഞിട്ടില്ലെന്നും അദ്ദേഹം പറഞ്ഞു. ടൂറിസം മേഖലയിലെ അടിസ്ഥാന സൗകര്യങ്ങൾ വികസിപ്പിക്കുകയും കൂടുതൽ നിക്ഷേപങ്ങൾ കൊണ്ടുവരികയും ചെയ്യുകയാണെങ്കിൽ പാലായുടെ സാമ്പത്തിക വളർച്ചയ്ക്ക് വലിയ സാധ്യതകളുണ്ടെന്നും അദ്ദേഹം അഭിപ്രായപ്പെട്ടു.
പാലാ തന്റെ രാഷ്ട്രീയജീവിതത്തിന്റെ ആത്മാവാണെന്നും മണ്ഡലത്തോട് ആത്മബന്ധമുണ്ടെന്നും ജോസ് കെ മാണി പറഞ്ഞു. “പാലാ എന്റെ നെഞ്ചിലെ പ്രാണമാണ്. പാലയെ ഉപേക്ഷിക്കുക എന്നത് എന്റെ ജീവിതത്തെ തന്നെ ഉപേക്ഷിക്കുന്നതുപോലെയാണ്,” എന്നായിരുന്നു അദ്ദേഹത്തിന്റെ വാക്കുകൾ.
പഞ്ചായത്ത് തിരഞ്ഞെടുപ്പിന് ശേഷം സംസ്ഥാനത്താകെ എൽഡിഎഫ് വിവിധ പരിപാടികൾ സംഘടിപ്പിച്ചതായും അദ്ദേഹം പറഞ്ഞു. വികസന മുന്നേറ്റ ജാഥകൾ, മണ്ഡലം തല സന്ദേശയാത്രകൾ, ബൂത്ത് തല കൺവെൻഷനുകൾ എന്നിവയിലൂടെ വലിയ ജനപങ്കാളിത്തം ലഭിച്ചതായും അദ്ദേഹം പറഞ്ഞു. പല മണ്ഡലങ്ങളിലും വലിയ ജനസാന്നിധ്യം കാണാൻ കഴിഞ്ഞതായും, ഇത് ഇടതുപക്ഷത്തിന് അനുകൂലമായ രാഷ്ട്രീയ അന്തരീക്ഷം സംസ്ഥാനത്ത് രൂപപ്പെടുന്നതിന്റെ സൂചനയാണെന്നും അദ്ദേഹം കൂട്ടിച്ചേർത്തു.രാമപുരം പഞ്ചായത്ത് രാഷ്ട്രീയമായി ഏറെ സജീവവും ബോധവൽക്കൃതവുമായ പ്രദേശമാണെന്നും അദ്ദേഹം പറഞ്ഞു. ഇവിടെ നിന്നുള്ള പ്രവർത്തകരുടെ പിന്തുണയും ആത്മവിശ്വാസവും എൽഡിഎഫ് പ്രവർത്തനങ്ങൾക്ക് വലിയ കരുത്ത് നൽകുന്നുവെന്നും അദ്ദേഹം കൂട്ടിച്ചേർത്തു.
യോഗത്തിൽ ബൈജു ജോൺ പുതിയിടത്തുചാലിൽ അധ്യക്ഷത വഹിച്ചു. ലാലിച്ചൻ ജോർജ് ഉദ്ഘാടനം ചെയ്തു. പ്രൊഫ. ലോപ്പസ് മാത്യു മുഖ്യ പ്രഭാഷണം നടത്തി. എം.ടി. ജാന്റിഷ്, സജേഷ് ശശി, ബാബു കെ. ജോർജ്, ടോബിൻ കെ. അലക്സ്, ബേബി ഉഴുത്തുവാൽ,വി.കെ. ഷാജകുമാർ, വി.ജി. വിജയകുമാർ, അഡ്വ.പയസ് രാമപുരം, അഡ്വ. വിഷ്ണു എൻ. ആർ.,
ഷിബി മത്തായി, ലിസി ബേബി മുളയിങ്കൽ, സണ്ണി പൊരുന്നക്കോട്ട്, ടൈറ്റസ് മാത്യു, അജി സെബാസ്റ്റ്യൻ, അഡ്വ. തോമസ് വി.ടി., ഡി. പ്രസാദ് ഭക്തിവിലാസ്, പി.എ. മുരളി, ജോഷി ഏറത്ത്, ശബരീനാഥ്, ടുബി അഗസ്റ്റിൻ, ബെന്നി തെരുവത്ത്, അലക്സി തെങ്ങുംപള്ളിക്കുന്നേൽ, കെ.എസ്. രാജു തുടങ്ങിയവർ പ്രസംഗിച്ചു.

രാമപുരം: പാലാ നിയോജകമണ്ഡലത്തിന്റെ വികസന മുന്നേറ്റം വീണ്ടും ശക്തിപ്പെടുത്തേണ്ട സമയമാണിതെന്നും, മുൻമന്ത്രി കെ.എം. മാണിയുടെ കാലത്ത് ആരംഭിച്ച വികസന പാതയിലേക്ക് പാലായെ തിരിച്ചുകൊണ്ടുവരേണ്ടതുണ്ടെന്നും എൽഡിഎഫ് പാലാ നിയോജകമണ്ഡലം സ്ഥാനാർത്ഥി ജോസ് കെ മാണി പറഞ്ഞു.
രാമപുരം പഞ്ചായത്തിൽ നടന്ന എൽഡിഎഫ് തിരഞ്ഞെടുപ്പ് കൺവെൻഷനിൽ സംസാരിക്കുകയായിരുന്നു അദ്ദേഹം.അരനൂറ്റാണ്ടിലേറെക്കാലം പാലാ നിയോജകമണ്ഡലത്തെ പ്രതിനിധീകരിച്ച കെ.എം. മാണി പാലായുടെ രാഷ്ട്രീയ-വികസന ചരിത്രത്തിൽ നിർണായക സ്വാധീനം ചെലുത്തിയ നേതാവാണെന്ന് ജോസ് കെ മാണി പറഞ്ഞു. കേരള രാഷ്ട്രീയത്തിൽ തന്നെ വലിയ സ്ഥാനമുണ്ടാക്കിയ കെ.എം. മാണിയുടെ നേതൃത്വത്തിൽ പാലാ മണ്ഡലത്തിൽ നിരവധി വികസന പദ്ധതികൾ ആവിഷ്കരിക്കുകയും നടപ്പാക്കുകയും ചെയ്തിരുന്നു. ആ കാലഘട്ടത്തിലാണ് പാലാ കേരളത്തിന്റെ വികസന ഭൂപടത്തിൽ ശക്തമായി ഇടം നേടിയതെന്നും അദ്ദേഹം പറഞ്ഞു.
ഏപ്രിൽ 9ന് നടക്കുന്ന നിയമസഭാ തിരഞ്ഞെടുപ്പിന് പ്രത്യേകമായൊരു ചരിത്രസ്മരണയുണ്ടെന്നും ജോസ് കെ മാണി പറഞ്ഞു. പാലായുടെ “മാണിക്യം” എന്നറിയപ്പെട്ടിരുന്ന കെ.എം. മാണി ഏഴ് വർഷങ്ങൾക്ക് മുമ്പ് ഏപ്രിൽ 9നാണ് വിടപറഞ്ഞത്. അന്ന് പല മാധ്യമങ്ങളും “പാലാ അനാഥമായി” എന്ന തലക്കെട്ടോടെയാണ് വാർത്തകൾ നൽകിയതെന്നും അദ്ദേഹം ഓർമ്മിപ്പിച്ചു. ഏഴ് വർഷങ്ങൾക്ക് ശേഷം പിന്നോട്ടുനോക്കുമ്പോൾ ആ വാക്കുകൾ യാഥാർത്ഥ്യമാകുന്നതുപോലുള്ള സാഹചര്യമാണുണ്ടായിരിക്കുന്നതെന്നും കൂട്ടിച്ചേർത്തു.
കെ.എം. മാണിയുടെ കാലത്ത് ആവിഷ്കരിച്ച നിരവധി പദ്ധതികൾ പാലായിൽ നടപ്പാക്കിയെങ്കിലും, അദ്ദേഹത്തിന്റെ നിര്യാണത്തിന് ശേഷം പുതിയ പദ്ധതികൾ മണ്ഡലത്തിലേക്ക് എത്തിക്കുന്നതിൽ കാര്യമായ പുരോഗതി ഉണ്ടായിട്ടില്ലെന്നും ജോസ് കെ മാണി വിമർശിച്ചു. കെ.എം. മാണി ആവിഷ്കരിച്ച പദ്ധതികളിൽ പലതും ഏകദേശം 90 ശതമാനം പൂർത്തിയായിട്ടുണ്ടെങ്കിലും ശേഷിക്കുന്ന ഭാഗങ്ങൾ പോലും പൂർത്തിയാക്കാൻ കഴിഞ്ഞിട്ടില്ലെന്നും അദ്ദേഹം ആരോപിച്ചു.
പാലായുടെ വികസനത്തിന്റെ പ്രതീകമായി അറിയപ്പെട്ടിരുന്ന കെഎസ്ആർടിസി സ്റ്റാൻഡിന്റെ നിലവിലെ അവസ്ഥ തന്നെ മണ്ഡലത്തിന്റെ വികസന മന്ദഗതിയുടെ ഉദാഹരണമാണെന്ന് അദ്ദേഹം ചൂണ്ടിക്കാട്ടി. ഒരിക്കൽ 200ഓളം ബസുകൾ സർവീസ് നടത്തിയിരുന്ന സ്റ്റാൻഡിൽ ഇന്ന് 50 മുതൽ 60 വരെ ബസുകൾ മാത്രമാണ് പ്രവർത്തിക്കുന്നതെന്നും ഇത് പാലായുടെ സാമ്പത്തിക സജീവത കുറയുന്നുവെന്നതിന്റെ സൂചനയാണെന്നും അദ്ദേഹം പറഞ്ഞു.
ഇലവീഴാപ്പൂഞ്ചിറ ഉൾപ്പെടെയുള്ള ടൂറിസം സാധ്യതകൾ വികസിപ്പിക്കുന്നതിന് മുൻകാലങ്ങളിൽ പദ്ധതികൾ തയ്യാറാക്കിയിരുന്നുവെങ്കിലും അവയെ യാഥാർത്ഥ്യമാക്കാൻ കഴിഞ്ഞിട്ടില്ലെന്നും അദ്ദേഹം പറഞ്ഞു. ടൂറിസം മേഖലയിലെ അടിസ്ഥാന സൗകര്യങ്ങൾ വികസിപ്പിക്കുകയും കൂടുതൽ നിക്ഷേപങ്ങൾ കൊണ്ടുവരികയും ചെയ്യുകയാണെങ്കിൽ പാലായുടെ സാമ്പത്തിക വളർച്ചയ്ക്ക് വലിയ സാധ്യതകളുണ്ടെന്നും അദ്ദേഹം അഭിപ്രായപ്പെട്ടു.
പാലാ തന്റെ രാഷ്ട്രീയജീവിതത്തിന്റെ ആത്മാവാണെന്നും മണ്ഡലത്തോട് ആത്മബന്ധമുണ്ടെന്നും ജോസ് കെ മാണി പറഞ്ഞു. “പാലാ എന്റെ നെഞ്ചിലെ പ്രാണമാണ്. പാലയെ ഉപേക്ഷിക്കുക എന്നത് എന്റെ ജീവിതത്തെ തന്നെ ഉപേക്ഷിക്കുന്നതുപോലെയാണ്,” എന്നായിരുന്നു അദ്ദേഹത്തിന്റെ വാക്കുകൾ.
പഞ്ചായത്ത് തിരഞ്ഞെടുപ്പിന് ശേഷം സംസ്ഥാനത്താകെ എൽഡിഎഫ് വിവിധ പരിപാടികൾ സംഘടിപ്പിച്ചതായും അദ്ദേഹം പറഞ്ഞു. വികസന മുന്നേറ്റ ജാഥകൾ, മണ്ഡലം തല സന്ദേശയാത്രകൾ, ബൂത്ത് തല കൺവെൻഷനുകൾ എന്നിവയിലൂടെ വലിയ ജനപങ്കാളിത്തം ലഭിച്ചതായും അദ്ദേഹം പറഞ്ഞു. പല മണ്ഡലങ്ങളിലും വലിയ ജനസാന്നിധ്യം കാണാൻ കഴിഞ്ഞതായും, ഇത് ഇടതുപക്ഷത്തിന് അനുകൂലമായ രാഷ്ട്രീയ അന്തരീക്ഷം സംസ്ഥാനത്ത് രൂപപ്പെടുന്നതിന്റെ സൂചനയാണെന്നും അദ്ദേഹം കൂട്ടിച്ചേർത്തു.രാമപുരം പഞ്ചായത്ത് രാഷ്ട്രീയമായി ഏറെ സജീവവും ബോധവൽക്കൃതവുമായ പ്രദേശമാണെന്നും അദ്ദേഹം പറഞ്ഞു. ഇവിടെ നിന്നുള്ള പ്രവർത്തകരുടെ പിന്തുണയും ആത്മവിശ്വാസവും എൽഡിഎഫ് പ്രവർത്തനങ്ങൾക്ക് വലിയ കരുത്ത് നൽകുന്നുവെന്നും അദ്ദേഹം കൂട്ടിച്ചേർത്തു.
യോഗത്തിൽ ബൈജു ജോൺ പുതിയിടത്തുചാലിൽ അധ്യക്ഷത വഹിച്ചു. ലാലിച്ചൻ ജോർജ് ഉദ്ഘാടനം ചെയ്തു. പ്രൊഫ. ലോപ്പസ് മാത്യു മുഖ്യ പ്രഭാഷണം നടത്തി. എം.ടി. ജാന്റിഷ്, സജേഷ് ശശി, ബാബു കെ. ജോർജ്, ടോബിൻ കെ. അലക്സ്, ബേബി ഉഴുത്തുവാൽ,വി.കെ. ഷാജകുമാർ, വി.ജി. വിജയകുമാർ, അഡ്വ.പയസ് രാമപുരം, അഡ്വ. വിഷ്ണു എൻ. ആർ.,
ഷിബി മത്തായി, ലിസി ബേബി മുളയിങ്കൽ, സണ്ണി പൊരുന്നക്കോട്ട്, ടൈറ്റസ് മാത്യു, അജി സെബാസ്റ്റ്യൻ, അഡ്വ. തോമസ് വി.ടി., ഡി. പ്രസാദ് ഭക്തിവിലാസ്, പി.എ. മുരളി, ജോഷി ഏറത്ത്, ശബരീനാഥ്, ടുബി അഗസ്റ്റിൻ, ബെന്നി തെരുവത്ത്, അലക്സി തെങ്ങുംപള്ളിക്കുന്നേൽ, കെ.എസ്. രാജു തുടങ്ങിയവർ പ്രസംഗിച്ചു.