പാലാ : പാലാ രൂപതാ പ്ലാറ്റിനം ജൂബിലി ആഘോഷത്തിന്റെ ഭാഗമായി ഇരുപത്തിയേഴാമത് രൂപതാ കുടുംബ കൂട്ടായ്മ വാർഷികം ജനുവരി 31 വെള്ളിയാഴ്ച 2 മണിക്ക് ളാലം സെൻ്റ് മേരീസ് പഴയ പള്ളി ഹാളിൽ വച്ച് ആഘോഷിക്കുന്നു. 1.30 ന് രജിസ്ട്രേഷൻ, 2 ന് ബൈബിൾ പ്രതിഷ്ഠ ഡയറക്ടർ ഇവാഞ്ചലൈസേഷൻ ഫാ. ജേക്കബ് വെള്ളമരുതുങ്കൽ നിർവഹിക്കും. തുടർന്ന് വാർഷിക സമ്മേളനം പാലാ രൂപതാധ്യക്ഷൻ അഭിവന്ദ്യ മാർ ജോസഫ് കല്ലറങ്ങാട്ട് പിതാവ് ഉദ്ഘാടനം ചെയ്യും. പ്രസിഡൻ്റ് സെബാസ്റ്റ്യൻ ജോസഫ് പയ്യാനിമണ്ഡപത്തിൽ അദ്ധ്യക്ഷത വഹിക്കും.
അസി. ഡയറക്ടർ ഫാ. ആൽബിൻ പുതുപ്പറമ്പിൽ സ്വാഗതം ആശംസിക്കും. വികാരി ജനറൽ മോൺ. സെബാസ്റ്റ്യൻ വേത്താനത്ത് അനുഗ്രഹ പ്രഭാഷണം നടത്തും. ളാലം പഴയപള്ളി വികാരി ഫാ. ജോസഫ് തടത്തിൽ ആശംസയും സിന്ധു ഷാജി ഇടയാനിക്കാട്ട് കൃതജ്ഞതയും അർപ്പിക്കും. സെക്രട്ടറി ബാബു പോൾ പെരിയപ്പുറം റിപ്പോർട്ട് അവതരിപ്പിക്കും.
ഏ, ബി, സി, ഡി വിഭാഗത്തിൽ ഏറ്റവും മികച്ച പ്രവർത്തനം നടത്തിയ കുടുംബ കൂട്ടായ്മകൾക്കുള്ള ഇടവക, ഫൊറോന തല ട്രോഫികളുടെ വിതരണം മാർ ജോസഫ് കല്ലറങ്ങാട്ട് നിർവഹിക്കും. സമ്പൂർണ്ണ ബൈബിൾ പകർത്തി എഴുതിയ വ്യക്തികളെയും കുടുംബങ്ങളെയും ചടങ്ങിൽ ആദരിക്കും.
