പാലാ: അജപാലന ശുശ്രൂഷാ രംഗത്ത് പുതിയൊരു ചരിത്രം കുറിച്ചിരിക്കുകയാണ് പാലാ രൂപത. 2025-26 വർഷത്തിൽ പതിനാറ് നവവൈദികർ കൂടി പൗരോഹിത്യം സ്വീകരിച്ചതോടെ രൂപതയിലെ വൈദികരുടെ ആകെ എണ്ണം 503 ആയി ഉയർന്നു. രൂപതാധ്യക്ഷൻ മാർ ജോസഫ് കല്ലറങ്ങാട്ടാണ് പുതിയ വൈദികർക്ക് പൗരോഹിത്യം നൽകിയത്.
രൂപതയിലെ 16 വിവിധ ഇടവകകളിലായി നടന്ന പ്രാർത്ഥനാ നിർഭരമായ ചടങ്ങുകൾ ജനുവരി 5-നാണ് സമാപിച്ചത്. സഭയ്ക്കും സമൂഹത്തിനും മാതൃകാപരമായ പ്രവർത്തനങ്ങൾ കാഴ്ചവയ്ക്കുന്ന പാലാ രൂപതയെ സംബന്ധിച്ചിടത്തോളം ഈ വൈദിക സമ്പത്ത് വലിയൊരു അഭിമാന നേട്ടമാണ്.
പൗരോഹിത്യം സ്വീകരിച്ച നവവൈദികർ:
സഭയുടെ പ്രേഷിത ദൗത്യത്തിലേക്ക് ചുവടുവെച്ച നവവൈദികരും അവരുടെ ഇടവകകളും താഴെ പറയുന്നവരാണ്:
- ഫാ. ജോൺ കുന്നുപുറത്ത് (ഇളംന്തോട്ടം)
- ഫാ. സെബാസ്റ്റ്യൻ കടുപ്പിൽ (പാദുവ)
- ഫാ. അബ്രഹാം പുതിയാത്ത് (അന്ത്യാളം)
- ഫാ. അലക്സ് കാഞ്ഞിരത്തുങ്കൽ (ഏഴാച്ചേരി)
- ഫാ. ജോർജ് പ്ലാത്തോട്ടത്തിൽ (വാകക്കാട്)
- ഫാ. ജോർജ് തെക്കേചൂരനോലിക്കൽ (മേവട)
- ഫാ. ജേക്കബ് കരിനാട്ട് (മണ്ണാറപ്പാറ)
- ഫാ. സെബാസ്റ്റ്യൻ പ്ലാത്തോട്ടത്തിൽ (കൂടല്ലൂർ)
- ഫാ. അബ്രഹാം പുള്ളിക്കാട്ടിൽ (പ്രവിത്താനം)
- ഫാ. കുര്യാക്കോസ് കൂട്ടുങ്കൽ (അറക്കുളം പുത്തൻപള്ളി)
- ഫാ. പോൾ എരട്ടമാക്കിൽ (ഉദയഗിരി)
- ഫാ. തോമസ് പുത്തൻപുരയ്ക്കൽ (അയ്യംപാറ)
- ഫാ. മാത്യു മുകളേൽ (പ്ലാശനാൽ)
- ഫാ. ജോസഫ് കന്നുതൊട്ടി കല്ലുവേലിൽ (ജയ്ഗിരി)
- ഫാ. ദേവസ്യാ പടിഞ്ഞാറേക്കുറ്റ് (കയ്യൂർ)
- ഫാ. സേവ്യർ മുക്കുടികാട്ടിൽ (കടുത്തുരുത്തി)
അജപാലന രംഗത്ത് കത്തോലിക്കാ സഭയ്ക്ക് എന്നും വെളിച്ചമായി നിൽക്കുന്ന പാലാ രൂപതയുടെ ഈ നേട്ടം വിശ്വാസി സമൂഹത്തിന് വലിയ ആവേശം പകരുന്ന ഒന്നാണ്.
