സഭയും സമുദായവും നേരിടുന്ന വെല്ലുവിളികളെ നേരിടാൻ വിശ്വാസികൾക്കിടയിൽ തുറന്ന സംവാദവും ഐക്യവും അനിവാര്യമാണെന്ന് പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട്. പാലാ രൂപതയുടെ നേതൃത്വത്തിൽ തുടങ്ങനാട് ഫൊറോനയിൽ സംഘടിപ്പിച്ച ‘സമുദായ ശാക്തീകരണ സമ്മേളനം’ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
തുടങ്ങനാട് ഫൊറോന വികാരി വെരി റവ. ഫാ. ജോൺസൺ പുള്ളിറ്റ് സ്വാഗതം ആശംസിച്ച ചടങ്ങിൽ മാർ ജോസഫ് കല്ലറങ്ങാട്ട് അധ്യക്ഷത വഹിച്ചു. സമുദായത്തിന്റെ പുരോഗതിക്കായി ഓരോ വ്യക്തിയും പങ്കാളിത്ത സ്വഭാവത്തോടെ മുന്നോട്ട് വരണമെന്നും അദ്ദേഹം ഓർമ്മിപ്പിച്ചു.
സമ്മേളനത്തിൽ വിവിധ മേഖലകളിൽ നിന്നുള്ള പ്രമുഖർ ആശംസകൾ നേർന്നു:
- വെരി റവ. ഫാ. ജോസഫ് കണിയോടിക്കൽ (സിഞ്ചെല്ലൂസ്, പാലാ രൂപത)
- ശ്രീ. ഇമ്മാനുവൽ നിധിരി (പ്രസിഡന്റ്, കത്തോലിക്കാ കോൺഗ്രസ്, പാലാ രൂപത)
- ശ്രീമതി ഡോ. സിന്ധു റാണി പി.ജെ. (അധ്യാപിക, ഹോളി ക്രോസ് ഹയർ സെക്കൻഡറി സ്കൂൾ, ചേപ്പുങ്കൽ)
- വെരി റവ. ഫാ. സെബാസ്റ്റ്യൻ വേത്താനത്ത് (സിഞ്ചെല്ലൂസ്, പാലാ രൂപത) എന്നിവർ സംസാരിച്ചു.
സമുദായ ശാക്തീകരണത്തിനായുള്ള പ്രായോഗിക നിർദ്ദേശങ്ങൾ സമ്മേളനത്തിൽ ചർച്ച ചെയ്തു. തുടർന്ന് സമുദായ ഐക്യ പ്രതിജ്ഞയും ചൊല്ലി. ഇടവക കൗൺസിൽ സെക്രട്ടറി ശ്രീ. അജിത്ത് പൂവത്തിങ്കൽ ചടങ്ങുകൾക്ക് നേതൃത്വം നൽകി.
മൂലമറ്റം സെന്റ് ജോർജ് ഫൊറോന പള്ളി വികാരി വെരി റവ. ഫാ. ജോർജ് ചൊള്ളനാൽ കൃതജ്ഞത രേഖപ്പെടുത്തി
