'ഞങ്ങളുടെ സർക്കാരിന് താൽപ്പര്യമില്ലെങ്കിൽ ഞങ്ങൾ ഇന്ത്യയിലേക്ക് പോകില്ല'

ഇന്ത്യയിൽ നടക്കുന്ന ഏകദിന ലോകകപ്പിൽ പങ്കെടുക്കുന്ന വിഷയത്തിൽ പ്രതികരണവുമായി പാകിസ്ഥാൻ ക്രിക്കറ്റ് ബോർഡിന്റെ പുതിയ ചെയർമാൻ നജാം സേത്തി. ഇന്ത്യയിലേക്ക് പോകുന്ന തീരുമാനം പാകിസ്ഥാൻ സർക്കാരിന്റെ കൈയിലാണ്. സർക്കാരിന് താൽപ്പര്യമില്ലെങ്കിൽ ടീം ഇന്ത്യയിലേക്ക് പോകില്ലെന്നും അദ്ദേഹം വ്യക്തമാക്കി. ഏഷ്യാ കപ്പിനായി ഇന്ത്യൻ ടീം പാകിസ്ഥാനിലേക്ക് പോകേണ്ടതില്ലെന്ന് ബിസിസിഐ നേരത്തെ തന്നെ തീരുമാനിച്ചിരുന്നു.