നിയമസഭ ഇന്ന് വീണ്ടും ചേരും നിയമസഭാ സമ്മേളനം ഇന്ന് വീണ്ടും ചേരും. 3 ദിവസത്തെ ഇടവേളയ്ക്ക് ശേഷമാണ് ഇന്ന് വീണ്ടും സഭ ചേരുന്നത്. എകെജി സെന്ററിലെ ബോംബേറ് ആക്രമണത്തിൽ ഇതുവരെ പ്രതിയെ പിടികൂടാത്തതും സ്വർണക്കടത്തിലെ പുതിയ ആരോപണങ്ങളും പിസി ജോർജിന്റെ അറസ്റ്റും പ്രതിപക്ഷം സർക്കാരിനെതിരെ ഉന്നയിക്കാനിടയുണ്ട്. മുഖ്യമന്ത്രിയുടെ മകൾക്കെതിരായ മാത്യു കുഴൽനാടന്റെ ആരോപണത്തിൽ ഇതുവരെ മുഖ്യമന്ത്രി മറുപടി പറയാത്തതും പ്രതിപക്ഷം ആയുധമാക്കും.
