പ്രഭാത വാർത്തകൾ

🗞🏵 പാലാ വിഷൻ ന്യൂസ് 🗞🏵
മെയ് 4, 2023 വ്യാഴം 1198 മേടം 20
ന്യൂസ് ദിവസേന ലഭിക്കുവാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക.
https://pala.vision/drwon-attack-ukrine/
🫐🫐🫐🫐🫐🫐🫐🫐🫐🫐
വാർത്തകൾ

🗞🏵 യുഎഇ യാത്ര ഉപേക്ഷിച്ച് മുഖ്യമന്ത്രി പിണറായി വിജയൻ. പ്രധാനമന്ത്രിയുടെ ഓഫീസിന്റെ അനുമതി കിട്ടാനുള്ള നീക്കവും പരാജയപ്പെട്ടതോടെയാണ് മുഖ്യമന്ത്രി യുഎഇ യാത്ര ഉപേക്ഷിച്ചത്. അബുദാബി നിക്ഷേപ സംഗമത്തിൽ പങ്കെടുക്കാൻ വേണ്ടിയാണ് അദ്ദേഹം യുഎഇ സന്ദർശനം നടത്താനിരുന്നത്. മെയ് എട്ട് മുതൽ പത്ത് വരെയാണ് നിക്ഷേപ സംഗമം നടക്കുന്നത്.
 
🗞🏵 ഇ​ന്ത്യ​ൻ വം​ശ​ജ​ൻ അ​ജ​യ് ബാം​ഗ ലോ​ക​ബാ​ങ്കി​ന്‍റെ അ​ടു​ത്ത പ്ര​സി​ഡ​ന്‍റ്. ലോ​ക​ബാ​ങ്ക് അ​ധ്യ​ക്ഷ​നാ​യി അ​ജ​യ് ബാം​ഗ​യെ എ​ക്സി​ക്യൂ​ട്ടി​വ് ബോ​ർ​ഡ് തെ​ര​ഞ്ഞെ​ടു​ത്തു. അ​ഞ്ച് വ​ർ​ഷ​മാ​ണ് കാ​ലാ​വ​ധി. ബാം​ഗ അ​ടു​ത്ത ജൂ​ൺ ര​ണ്ടി​ന് ചു​മ​ത​ല​യേ​റ്റെ​ടു​ക്കും. യു​എ​സ് പ്ര​സി​ഡ​ന്‍റ് ജോ ​ബൈ​ഡ​നാ​ണ് ബാം​ഗ​യെ നാ​മ​നി​ർ​ദേ​ശം ചെ​യ്ത​ത്

🗞🏵 *ല​യ​ണ​ൽ മെ​സി​യു​ടെ അ​ർ​ജ​ന്‍റീ​ന​യും കി​ലി​യ​ൻ എം​ബാ​പെ​യു​ടെ ഫ്രാ​ൻ​സും ഏ​റ്റു​മു​ട്ടി​യ ഖ​ത്ത​ർ ലോ​ക​ക​പ്പ് ഫു​ട്ബോ​ൾ ഫൈ​ന​ലി​ലെ ഔ​ദ്യോ​ഗി​ക മാ​ച്ച് ബോ​ൾ‌ ലേ​ല​ത്തി​ന്. കു​റ​ഞ്ഞ​ത് 10 ല​ക്ഷം ഖ​ത്ത​ർ റി​യാ​ലാ​ണ് (2.24 കോ​ടി രൂ​പ) ലേ​ല​ത്തി​ലൂ​ടെ ല​ക്ഷ്യ​മി​ടു​ന്ന​ത്. ജൂ​ൺ ആ​റി​ന് ഇം​ഗ്ല​ണ്ടി​ലെ നോ​ർ​താം​പ്ട​ൺ ഓ​ക്ഷ​ൻ ഹൗ​സ് വ​ഴി​യാ​ണ് ലേ​ലം ന​ട​ക്കു​ന്ന​ത്.
 
🗞🏵 ലൈം​ഗി​ക​ന്യൂ​ന​പ​ക്ഷ​ങ്ങ​ളു​ടെ പ്ര​ശ്ന​ങ്ങ​ൾ മ​ന​സി​ലാ​ക്കാ​ൻ കാ​ബി​ന​റ്റ് സെ​ക്ര​ട്ട​റി​യു​ടെ നേ​തൃ​ത്വ​ത്തി​ൽ ക​മ്മി​റ്റി രൂ​പീ​ക​രി​ക്കു​മെ​ന്ന് കേ​ന്ദ്ര സ​ർ​ക്കാ​ർ സു​പ്രീം കോ​ട​തി​യി​ൽ. സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത​യാ​ണ് അ​ഞ്ചം​ഗ ഭ​ര​ണ​ഘ​ട​നാ ബെ​ഞ്ചി​നെ ഇ​ക്കാ​ര്യം അ​റി​യി​ച്ച​ത്. ഹ​ർ​ജി​ക്കാ​ർ​ക്ക് ക​മ്മി​റ്റി​ക്കു മു​ന്നി​ൽ നി​ർ​ദേ​ശ​ങ്ങ​ൾ സ​മ​ർ​പ്പി​ക്കാ​മെ​ന്നും തു​ഷാ​ർ മേ​ത്ത പ​റ​ഞ്ഞു.

🗞🏵 പെ​രി​യാ​ർ ക​ടു​വാ സ​ങ്കേ​ത​ത്തി​ൽ തു​റ​ന്നു​വി​ട്ട അ​രി​ക്കൊ​ന്പ​ന്‍റെ സ​ഞ്ചാ​ര​പാ​ത​യു​ടെ സി​ഗ്ന​ൽ ന​ഷ്ട​മാ​യെ​ങ്കി​ലും തി​രി​കെ ല​ഭി​ച്ചു. ചൊ​വ്വാ​ഴ്ച പു​ല​ർ​ച്ചെ ന​ഷ്ട​മാ​യ സി​ഗ്ന​ൽ രാ​ത്രി വൈ​കി ല​ഭി​ച്ചു​തു​ട​ങ്ങി. സി​ഗ്ന​ലി​ന്‍റെ അ​ടി​സ്ഥാ​ന​ത്തി​ൽ മാ​വ​ടി മേ​ഖ​ല​യി​ൽ അ​രി​ക്കൊ​ന്പ​നു​ണ്ടെ​ന്നാ​ണു വ​നം​വ​കു​പ്പ് ന​ൽ​കു​ന്ന വി​വ​രം. തു​റ​ന്നു​വി​ട്ട​തി​നു ശേ​ഷം ഇ​തു​വ​രെ 20 കി​ലോ​മീ​റ്റ​ർ ആ​ന സ​ഞ്ച​രി​ച്ച​താ​യും ക​ണ്ടെ​ത്തി​യി​ട്ടു​ണ്ട്

🗞🏵 അ​രി​ക്കൊ​മ്പ​ന് വ​ലു​തു​ക​ണ്ണി​ന് ഭാ​ഗീ​ക കാ​ഴ്ച മാ​ത്ര​മേ​യു​ള്ളൂ​വെ​ന്ന് വ​നം​വ​കു​പ്പ്. ഹൈ​ക്കോ​ട​തി​യി​ൽ സ​മ​ർ​പ്പി​ച്ച റി​പ്പോ​ർ​ട്ടി​ലാ​ണ് വ​നം​വ​കു​പ്പ് ഇ​ക്കാ​ര്യം അ​റി​യി​ച്ച​ത്. ജി​പി​എ​സ് കോ​ള​ർ ധ​രി​പ്പി​ക്കു​ന്ന സ​മ​യ​ത്താ​ണ് കാ​ഴ്ച​ക്കു​റ​വ് ശ്ര​ദ്ധ​യി​ൽ​പ്പെ​ട്ട​തെ​ന്നും വ​നം​വ​കു​പ്പ് പ​റ​യു​ന്നു. പി​ടി​കൂ​ടു​ന്ന സ​മ​യ​ത്ത് തു​മ്പി​ക്കൈ​യി​ൽ മു​റി​വു​ക​ൾ ക​ണ്ടെ​ത്തി​യി​രു​ന്നു. ഇ​തി​ന് ര​ണ്ട് ദി​വ​സ​ത്തെ പ​ഴ​ക്കം ഉ​ള്ള​താ​യാ​ണ് ക​രു​തു​ന്ന​ത്. മു​റി​വി​ന് മ​രു​ന്ന് ന​ൽ​കു​ക​യും ചെ​യ്തു. കാ​ട് ക​യ​റ്റി​യ അ​രി​ക്കൊ​മ്പ​നെ പ്ര​ത്യേ​കം നി​രീ​ക്ഷി​ക്കു​ന്ന​താ​യും വ​നം​വ​കു​പ്പ് ഹൈ​ക്കോ​ട​തി​യി​ൽ അ​റി​യി​ച്ചു.

🗞🏵 റ​ഷ്യ​ൻ പ്ര​സി​ഡ​ന്‍റ് വ്‌​ളാ​ദി​മ​ർ പു​ടി​നെ വ​ധി​ക്കാ​ൻ ഡ്രോ​ൺ ആ​ക്ര​മ​ണം ന​ട​ത്തി​യെ​ന്ന ആ​രോ​പ​ണം നി​ഷേ​ധി​ച്ച് യു​ക്രെ​യ്ൻ. ഡ്രോ​ൺ ആ​ക്ര​മ​ണ​വു​മാ​യി ത​ങ്ങ​ൾ​ക്ക് ബ​ന്ധ​മി​ല്ലെ​ന്ന് യു​ക്രെ​യ്ൻ അ​റി​യി​ച്ചു. റ​ഷ്യ അ​ധി​നി​വേ​ശം ന​ട​ത്തി​യ സ്വ​ന്തം പ്ര​ദേ​ശ​ങ്ങ​ൾ മോ​ചി​പ്പി​ക്കാ​നാ​ണ് യു​ക്രെ​യ്ൻ ശ്ര​മി​ച്ചു​വ​രു​ന്ന​തെ​ന്ന് പ്ര​സി​ഡ​ന്‍റ് വ്‌​ളാ​ദി​മ​ർ സെ​ല​ൻ​സ്കി​യു​ടെ വ​ക്താ​വ് പ​റ​ഞ്ഞു.

🗞🏵 അ​മേ​രി​ക്ക ഏ​ർ​പ്പെ​ടു​ത്തി​യ ഉ​പ​രോ​ധ​ങ്ങ​ൾ​ക്ക് മ​റു​പ​ടി​യാ​യി എ​ണ്ണ​ക്ക​പ്പ​ലു​ക​ൾ പി​ടി​ച്ചെ​ടു​ക്കു​ന്ന​ത് തു​ട​ർ​ന്ന് ഇ​റാ​ൻ. ദു​ബാ​യ്‌​യി​ൽ നി​ന്ന് യു​എ​ഇ​യി​ലേ​ക്ക് സ​ഞ്ച​രി​ക്കു​ക​യാ​യി​രു​ന്ന നി​യോ​വി എ​ന്ന ടാ​ങ്ക​ർ ഇ​റാ​ൻ റെ​വ​ല്യൂ​ഷ​ണ​റി ഗാ​ർ​ഡ് പി​ടി​ച്ചെ​ടു​ത്ത​താ​യി യു​എ​സ് നാ​വി​ക​സേ​ന വ്യ​ക്ത​മാ​ക്കി.

🗞🏵 ക​ടു​ത്തു​രു​ത്തി​യി​ൽ സൈ​ബ​ര്‍ ആ​ക്ര​മ​ണ​ത്തെ​ത്തു​ട​ര്‍​ന്ന് യു​വ​തി ജീ​വ​നൊ​ടു​ക്കി​യ സം​ഭ​വ​ത്തി​ല്‍ കു​റ്റാ​രോ​പി​ത​നാ​യ മു​ൻ ആ​ണ്‍​സു​ഹൃ​ത്ത് അ​രു​ണ്‍ വി​ദ്യാ​ധ​ര​നെ​തി​രെ ലു​ക്ക് ഔ​ട്ട് നോ​ട്ടീ​സ് പു​റ​പ്പെ​ടു​വി​ച്ച് പോ​ലീ​സ്. ഇ​യാ​ള്‍ കോ​യ​മ്പ​ത്തൂ​രി​ലെ​ന്ന് സൂ​ച​ന ല​ഭി​ച്ച​തി​നെ​ത്തു​ട​ര്‍​ന്ന് പോ​ലീ​സ് സം​ഘം ഇ​വി​ടം കേ​ന്ദ്രീ​ക​രി​ച്ചു അ​ന്വേ​ഷ​ണം ശ​ക്ത​മാ​ക്കി​യി​രി​ക്കു​ക​യാ​ണ്.
 
🗞🏵 ഇ​ന്ത്യ​യി​ലേ​ക്ക് അ​തി​ക്ര​മി​ച്ച് ക​ട​ക്കാ​ൻ ശ്ര​മി​ച്ച ര​ണ്ട് ഭീ​ക​ര​രെ സൈ​ന്യം വെ​ടി​വ​ച്ച് കൊ​ല​പ്പെ​ടു​ത്തി. ജമ്മു കാഷ്മീരിലെ കു​പ്‌​വാ​ര​യി​ൽ രാ​ജ്യാ​ന്ത​ര അ​തി​ർ​ത്തി​ക്ക് സ​മീ​പ​ത്താ​ണ് സം​ഭ​വം ന​ട​ന്ന​ത്. പാ​ക്കി​സ്ഥാ​നി​ൽ നി​ന്നെ​ത്തി​യ ക​ട​ന്നു​ക​യ​റ്റ​ക്കാ​രു​ടെ പ​ക്ക​ൽ നി​ന്ന് ര​ണ്ട് എ​കെ 47 തോ​ക്കു​ക​ൾ, ആ​റ് എ​കെ 47 മാ​ഗ​സി​നു​ക​ൾ, ഗ്ര​നേ​ഡു​ക​ൾ, വെടിയുണ്ടകൾ, ഭക്ഷ്യവസ്തുക്കൾ, പാ​ക് ക​റ​ന്‍​സി എ​ന്നി​വ ക​ണ്ടെ​ത്തി. സം​ഭ​വ​ത്തി​ൽ വി​ശ​ദ​മാ​യ അ​ന്വേ​ഷ​ണം ആ​രം​ഭി​ച്ച​താ​യി അ​ധി​കൃ​ത​ർ അ​റി​യി​ച്ചു.

🗞🏵 വന്ദേ ഭാരത് ട്രെയിനിന് തിരൂരും തിരുവല്ലയിലും സ്റ്റോപ്പ് അനുവദിക്കണമെന്ന് ആവശ്യപ്പെട്ട് കേന്ദ്രമന്ത്രിയ്ക്ക് കത്തയച്ച് മുഖ്യമന്ത്രി പിണറായി വിജയൻ. കേന്ദ്ര റെയിൽവേ മന്ത്രി അശ്വനി വൈഷ്ണവിനാണ് മുഖ്യമന്ത്രി കത്തയച്ചത്.
 
🗞🏵 പൊതുതാൽപര്യമുള്ള പൊതുപദ്ധതികളുടെ ഭാഗമായി ഭൂമി കൈമാറ്റം രജിസ്‌ട്രേഷൻ ചെയ്യുമ്പോൾ മുദ്ര വിലയിലും രജിസ്‌ട്രേഷൻ ഫീസിലും ഇളവ് നൽകാൻ മന്ത്രിസഭാ യോഗം തീരുമാനിച്ചു. ഭൂരഹിതരായ ബിപിഎൽ കാറ്റഗറിയിൽ വരുന്ന കുടുംബങ്ങൾക്ക് വീട് വയ്ക്കുന്നതിന് കേരള സ്റ്റാമ്പ് ആക്ടിൽ നിഷ്‌കർഷിച്ചിരിക്കുന്ന ”കുടുംബം’ എന്ന നിർവ്വചനത്തിൽ വരുന്ന ബന്ധുക്കൾ ഒഴികെയുള്ള ആൾക്കാർ ദാനമായോ വിലയ്ക്കു വാങ്ങിയോ കൊടുക്കുന്ന കുടുംബമൊന്നിന് 10 സെന്റ് വരെയുള്ള ഭൂമിയുടെ കൈമാറ്റ രജിസ്‌ട്രേഷനാവശ്യമായ മുദ്രവിലയും രജിസ്‌ട്രേഷൻ ഫീസും ഇളവ് നൽകും.

🗞🏵 മാലിന്യം സംസ്‌കരിച്ച് പ്രകൃതിവാതകം (കംപ്രസ്ഡ് ബയോഗ്യാസ്) നിർമ്മിക്കുന്ന പ്ലാന്റ് കൊച്ചിയിൽ സ്ഥാപിക്കാൻ ബിപിസിഎല്ലുമായി തത്വത്തിൽ ധാരണയായതായി തദ്ദേശ സ്വയം ഭരണ മന്ത്രി എം ബി രാജേഷ്. ബിപിസിഎൽ പ്രതിനിധികളുമായി തദ്ദേശ സ്വയം ഭരണ വകുപ്പ് മന്ത്രിയും വ്യവസായ മന്ത്രി പി രാജീവും ചീഫ് സെക്രട്ടറി ഡോ വി പി ജോയിയും നടത്തിയ ചർച്ചയിലാണ് തീരുമാനം. സർക്കാർ കൈമാറുന്ന സ്ഥലത്ത് ബിപിസിഎല്ലിന്റെ ചെലവിലാകും പ്ലാന്റ് നിർമ്മിക്കുക. പ്ലാന്റ് പരിപാലിക്കേണ്ട ഉത്തരവാദിത്തവും ബിപിസിഎല്ലിനാകും. ഒരു വർഷം കൊണ്ട് പ്ലാന്റ് പ്രവർത്തന സജ്ജമാക്കാനാകുമെന്നാണ് ബിപിസിഎൽ അറിയിച്ചിരിക്കുന്നത്. ബ്രഹ്മപുരത്ത് തന്നെ പ്ലാന്റ് സ്ഥാപിക്കാനാണ് നിലവിലെ ധാരണ.

🗞🏵 ലോൺ ആപ്പുകൾക്കെതിരെ മുന്നറിയിപ്പുമായി പോലീസ്. ഇൻസ്റ്റന്റ് ലോൺ എന്ന പേരിലാകും വാഗ്ദാനമെന്ന് പോലീസ് വ്യക്തമാക്കി. ഇത്തരത്തിലുള്ള ലോൺ ആപ്പുകൾ പല രീതിയിലും നിങ്ങളെ ചൂഷണം ചെയ്യും എന്നത് ഓർക്കണമെന്ന് പോലീസ് മുന്നറിയിപ്പ് നൽകി. ദയവായി ഇതിനെതിരെ ജാഗ്രത പാലിക്കണമെന്നും അധികൃതർ നിർദ്ദേശിച്ചു.

🗞🏵 ലോകത്തിലെ ഏറ്റവും ഉയരം കൂടിയ റെയിൽവേ പാലത്തിന്റെ നിർമ്മാണ പ്രവൃത്തി ജമ്മു കാശ്മീരിൽ പുരോഗമിക്കുന്നു. 1,315 മീറ്റർ നീളമുള്ള പാലമാണ് സജ്ജമാക്കുന്നത്. ചെനാബ് നദിയിൽ നിന്ന് 359 മീറ്റർ ഉയരത്തിലാണ് ചെനാബ് റെയിൽ പാലം നിർമ്മിക്കുന്നത്. പാരീസിലെ ഈഫൽ ടവറിനേക്കാൾ ഏകദേശം 35 മീറ്റർ ഉയരമാണ് ചെനാബ് റെയിൽ പാലത്തിന് ഉള്ളത്.

🗞🏵 കുടുംബ വ്യവസ്ഥയും മൂല്യങ്ങളും കാത്തുസൂക്ഷിക്കുന്ന രാജ്യങ്ങളിൽ, ബന്ധങ്ങൾ സംരക്ഷിക്കുന്നതിൽ ഇന്ത്യ ലോകത്ത് ഒന്നാം സ്ഥാനത്താണ്. ഇന്ത്യയിൽ വിവാഹമോചന കേസുകൾ ഒരു ശതമാനം മാത്രമാണ്, അതേസമയം 94 ശതമാനം വരെ ബന്ധങ്ങൾ തകരുന്ന നിരവധി രാജ്യങ്ങളുണ്ട്. വേൾഡ് ഓഫ് സ്റ്റാറ്റിസ്റ്റിക്സിൽ നിന്നുള്ള ഡാറ്റ അനുസരിച്ച്, ഏഷ്യൻ രാജ്യങ്ങളിൽ ബന്ധങ്ങൾ തകരുന്നത് കുറവാണ്, യൂറോപ്പിലെയും അമേരിക്കയിലെയും കുടുംബങ്ങൾ കൂടുതൽ ശിഥിലമാകുകയാണ്.
 
🗞🏵 റിലീസിന് മുന്‍പേ വിവാദമായ ‘ദി കേരള സ്റ്റോറി’ക്ക് തമിഴ്നാട്ടില്‍ പ്രദര്‍ശന വിലക്ക് ഏര്‍പ്പെടുത്തണമെന്ന് ഇന്റലിജൻസ് ഏജൻസികളുടെ മുന്നറിയിപ്പ്. രഹസ്യാന്വേഷണ വിഭാഗത്തിന്റെ റിപ്പോര്‍ട്ട് പുറത്തുവന്നതോടെ സംസ്ഥാനത്ത് കനത്ത ജാഗ്രതയാണുള്ളത്. ചിത്രം റിലീസ് ചെയ്യുന്നത് സംസ്ഥാനത്ത് വ്യാപക പ്രതിഷേധത്തിന് ഇടയാക്കുമെന്ന് ചൂണ്ടിക്കാട്ടിയാണ് രഹസ്യാന്വേഷണ വിഭാഗം മുന്നറിയിപ്പ് നൽകിയിരിക്കുന്നത്. അതേസമയം, സിനിമയിൽ വസ്തുതാവിരുദ്ധമായ പരാമർശങ്ങളുണ്ടെന്നും അതു നീക്കാതെ ചിത്രം പ്രദർശിപ്പിക്കരുതെന്നും ആവശ്യപ്പെട്ട് കേരള സർക്കാർ ഹൈക്കോടതിയെ സമീപിച്ചിരുന്നു. സിനിമയ്ക്ക് അടിയന്തര സ്റ്റേ നൽകാൻ കഴിയില്ലെന്ന് ചൂണ്ടിക്കാട്ടി ഹർജി ഹൈക്കോടതി തള്ളി.

🗞🏵 മകന്റെ പാസ്‌പോർട്ടിൽ നിന്നും അച്ഛന്റെ പേര് ഒഴിവാക്കണമെന്ന ആവശ്യമായി എത്തിയ സിംഗിൾ മദർ ആയ യുവതിക്ക് അനുകൂലമായി ഹർജി തീർപ്പാക്കി ഡൽഹി ഹൈക്കോടതി. പ്രായപൂർത്തിയാകാത്ത മകന്റെ പാസ്‌പോർട്ടിൽ നിന്ന് പിതാവിന്റെ പേര് നീക്കം ചെയ്യാൻ ഡൽഹി ഹൈക്കോടതി പാസ്‌പോർട്ട് അധികാരികൾക്ക് നിർദേശം നൽകി. കുട്ടി ജനിക്കുന്നതിന് മുമ്പ് പിതാവ് ഉപേക്ഷിച്ചതാണെന്നും കുട്ടിയെ താൻ ഒറ്റയ്ക്ക് വളർത്തിയതാണെന്നും യുവതി ഹർജിയിൽ ചൂണ്ടിക്കാട്ടിയിരുന്നു.
 
🗞🏵 വിവാദ സിനിമയായ ‘ദി കേരള സ്റ്റോറി’ നിരോധിക്കണമെന്ന ഹര്‍ജിയില്‍ ഇടപെടാന്‍ വിസമ്മതിച്ച്‌ സുപ്രീം കോടതി. വിഷയത്തില്‍ ഹൈക്കോടതിയെ സമീപിക്കാന്‍ ഹര്‍ജിക്കാര്‍ക്ക് കോടതി നിര്‍ദേശം നല്‍കി. ജാമിയത്ത് ഉലമ ഐ ഹിന്ദ് എന്ന സംഘടനയാണ് സിനിമയ്ക്കെതിരെ സുപ്രീം കോടതിയില്‍ ഹര്‍ജി നല്‍കിയത്.

🗞🏵 പാ രഞ്ജിത്തിന്റെ ‘തങ്കലാന്‍’ ചിത്രീകരണത്തിനിടെ നടന്‍ വിക്രമിന് ഗുരുതര പരിക്കെന്ന് റിപ്പോര്‍ട്ട്. ചിത്രീകരണത്തിനിടെയുണ്ടായ അപകടത്തില്‍ വിക്രമിന്റെ വാരിയെല്ലൊടിഞ്ഞതായാണ് പുറത്ത് വരുന്ന വിവരം. അദ്ദേഹത്തിന് ഡോക്ടര്‍മാര്‍ സര്‍ജറി നിര്‍ദേശിച്ചിരിക്കുകയാണ്. ഈ സാഹചര്യത്തില്‍ വിക്രം ‘തങ്കലാന്‍’ ചിത്രീകരണത്തില്‍ നിന്ന് ഇടവേളയെടുക്കും

🗞🏵 ക്രിക്കറ്റ് താരം മുഹമ്മദ് ഷമിക്കെതിരെ സുപ്രീം കോടതിയെ സമീപിച്ച് ഭാര്യ ഹസിൻ ജഹാൻ. ഷമിക്കെതിരെ ലോക്കല്‍ കോടതി പുറപ്പെടുവിച്ച അറസ്റ്റ് വാറണ്ടിനുള്ള സ്റ്റേ നീക്കം ചെയ്യണമെന്ന ഹര്‍ജി തള്ളിയ കൊല്‍ക്കത്ത ഹൈക്കോടതി ഉത്തരവിനെതിരെയാണ് ഹസിൻ സുപ്രീം കോടതിയെ സമീപിച്ചിരിക്കുന്നത്.ഷമിക്ക് വിവാഹേതര ബന്ധങ്ങളുണ്ടെന്നും ബി.സി.സി.ഐ യാത്രകളില്‍ ബി.സി.സി.ഐ അനുവദിക്കുന്ന ഹോട്ടല്‍ മുറികളില്‍വെച്ച് അവരുമായി ലൈംഗിക ബന്ധത്തില്‍ ഏര്‍പ്പെടാറുണ്ടെന്നും ഭാര്യ ഹർജിയിൽ ആരോപിക്കുന്നു.

🗞🏵 പ്രഭാത സവാരിക്ക് ഇറങ്ങിയ ഗൃഹനാഥനെ മുളകുപൊടി എറിഞ്ഞ് ആക്രമിക്കാൻ ക്വട്ടേഷൻ. അയൽവാസികളായ അമ്മയും മകളും ആണ് ഗൃഹനാഥനെതിരെ ക്വട്ടേഷൻ നൽകിയത്. തൊടുപുഴയിലാണ് സംഭവം. ഇഞ്ചിയാനി പുറക്കാട്ട് സ്വദേശിയായ ഓമനക്കുട്ടന് നേരെയാണ് ആക്രമണം നടന്നത്.

🗞🏵 വീട്ടമ്മയെ ബലാത്സംഗം ചെയ്ത കേസിൽ കോഴിക്കോട് വെള്ളയിൽ സ്വദേശി  നാലുകുടിപറമ്പ് അജ്മൽ കെ പി (30) യെ  അറസ്റ്റ് ചെയ്തു. പെയിന്റിംഗ് തൊഴിലാളിയായ അജ്മൽ കൂടെ ജോലി ചെയ്യുന്ന യുവാവിന്റെ അമ്മയെ ആണ് ബലാത്സംഗത്തിന് ഇരയാക്കിയത്. ഇയാളുമായി അടുപ്പത്തിലായ അജ്മൽ പിന്നീട് ഇയാളുടെ അമ്മയെ ഭീഷണിപ്പെടുത്തി പീഡിപ്പിക്കുകയായിരുന്നു. യുവാവിനെ കള്ള കേസിൽ കുടുക്കുമെന്നും, കൊല്ലുമെന്നും ഭീഷണിപ്പെടുത്തിയാണ് യുവാവിന്‍റെ അമ്മയെ നിരവധി തവണ പീഡനത്തിന് ഇരയാക്കിയത്

🗞🏵 സ്വർണം ശരീരത്തിനുള്ളിൽ ഒളിപ്പിച്ച് കടത്താൻ ശ്രമിച്ച മലപ്പുറം സ്വദേശി അറസ്റ്റിൽ. 1165 ഗ്രാം സ്വർണമിശ്രിതമാണ് കോഴിക്കോട് എയർ കസ്റ്റംസ് ഇന്റലിജൻസ് ഉദ്യോഗസ്ഥർ പിടികൂടിയത്. മലപ്പുറം പെരുംപൊയിൽകുന്ന് സ്വദേശിയായ പുളിക്കൻ ഷഹീമിനെയാണ് അറസ്റ്റ് ചെയ്തത്. 65 ലക്ഷം രൂപ വിലമതിക്കുന്ന സ്വർണമിശ്രിതമായിരുന്നു ഇയാളുടെ ശരീരത്തിനകത്ത് ഉണ്ടായിരുന്നത്.
 
🗞🏵 വിവാഹം വാഗ്ദാനം നൽകി പണം തട്ടിയ യുവതി അറസ്റ്റിൽ. ഹണി ട്രാപ്പ് ഉൾപ്പെടെ നിരവധി കേസിൽ പ്രതിയായ അശ്വതി അച്ചുവാണ് തിരുവനന്തപുരത്ത് പൊലീസിന്‍റെ പിടിയിലായത്. പൂവാർ സ്വദേശിയായ 68 കാരനിൽ നിന്നാണ് അശ്വതി പണം തട്ടിയെടുത്തത്.

🗞🏵 തൃശൂരിലും ആലപ്പുഴയിലും നടന്ന ലഹരി വേട്ടയിൽ മൂന്ന് യുവാക്കൾ അറസ്റ്റിലായി. തൃശൂരിൽ സ്വകാര്യ എയർ ബസ്സിൽ കടത്തികൊണ്ടുവന്ന 11. 635 കിലോഗ്രാം കഞ്ചാവ് ഓട്ടോറിക്ഷയിലേക്ക് കൈമാറുന്നതിടെ എക്‌സൈസ് പിടികൂടി. ആന്ധ്രപ്രദേശ്-നെല്ലൂർ സ്വദേശിയായ അപ്പാടി ശിവശങ്കരൻ എന്നയാൾ ചാവക്കാടുള്ള ഷബീർ, അബ്ബാസ് എന്നിവർക്ക് കൈമാറ്റം ചെയ്യുന്നതിനായി കൊണ്ടുവന്നതായിരുന്നു കഞ്ചാവ്. ഓട്ടോറിക്ഷാ ഡ്രൈവർ ആയ ഷബീറിനെയും, ആന്ധ്രാ സ്വദേശി അപ്പാടി ശിവശങ്കരനെയും കഞ്ചാവ് കൈമാറ്റത്തിനിടെ എക്‌സൈസ് അറസ്റ്റ് ചെയ്തു
 
🗞🏵 കക്കുകളി’ നാടകത്തിലും ‘കേരള സ്റ്റോറി’ സിനിമയിലും ഭരണ പ്രതിപക്ഷങ്ങള്‍ കാണിക്കുന്ന ഇരട്ടത്താപ്പിനെതിരെ വിമര്‍ശനവുമായി ചങ്ങനാശ്ശേരി അതിരൂപത സഹായ മെത്രാന്‍ മാര്‍ തോമസ് തറയില്‍.  ഫേസ്ബുക്കില്‍ അദ്ദേഹം പങ്കുവെച്ച കുറിപ്പ് സമൂഹ മാധ്യമങ്ങളില്‍ ഏറെ ചര്‍ച്ചയാകുകയാണ്. ‘കേരള സ്റ്റോറി” കേരളത്തിൽ നിരോധിക്കാൻ ഭരണ പ്രതിപക്ഷ പാർട്ടികൾ മത്സരിച്ചു ശ്രമിക്കുന്നത് കാണുമ്പോൾ അഭിമാനം തോന്നുകയാണെന്ന വാക്കുകളോടെയാണ് അദ്ദേഹത്തിന്റെ പോസ്റ്റ് ആരംഭിക്കുന്നത്. ഈ മതേതരത്വം എന്ന് പറഞ്ഞാൽ “വോട്ടുബാങ്ക്” എന്നാണോയെന്ന് പരിഹാസ രൂപേണ ചോദ്യമുയര്‍ത്തിയ ബിഷപ്പ് ക്രിസ്ത്യാനി വലിയ വോട്ടു ബാങ്ക് അല്ലാത്തതുകൊണ്ട് അവരുടെ വികാരം വ്രണപ്പെട്ടാലും സാരമില്ല, ‘കേരള സ്റ്റോറി’ അങ്ങനെയല്ലല്ലോയെന്നും കുറിച്ചു. നിരവധിയാളുകളാണ് ബിഷപ്പിന്റെ പോസ്റ്റ് സമൂഹ മാധ്യമങ്ങളില്‍ ഷെയര്‍ ചെയ്യുന്നത്.

🗞🏵 ഇറാഖി ക്രിസ്ത്യന്‍ സമൂഹത്തിന്റെ ഡിജിറ്റല്‍ ഡാറ്റാബേസ് തയാറാക്കുന്നതിനായി ഇലക്ട്രോണിക് വിവര ശേഖരണത്തിനു തുടക്കമിട്ടുകൊണ്ട് ഇറാഖി ഭരണകൂടം. രാജ്യത്ത് ക്രൈസ്തവര്‍ ഏതൊക്കെ മേഖലകളിലാണ് ഉള്ളതെന്നും, അവരുടെ വിദ്യാഭ്യാസ നിലവാരം, തൊഴില്‍ വൈദഗ്ദ്യം, വിവാഹിതരാണോ അല്ലയോ, കുടുംബത്തിലെ അംഗങ്ങള്‍, തൊഴില്‍, വീടിന്റെ നിലവാരം തുടങ്ങിയ വിവരങ്ങള്‍ ഇതില്‍ ഉള്‍പ്പെടുന്നുണ്ട്. മൈനോരിറ്റി ഫെയിത്ത് കമ്മ്യൂണിറ്റീസിന്റെ എന്‍ഡോവ്മെന്റ് ഓഫീസിന്റെ ഡിപ്പാര്‍ട്ട്മെന്റ് ഓഫ് ക്രിസ്ത്യന്‍ അഫയേഴ്സ് തയാറാക്കിയ ഇലക്ട്രോണിക് ഫോം വഴിയാണ് വിവരശേഖരണം. 

🗞🏵 ദൈവമാതാവിന്റെ മാധ്യസ്ഥം തേടി പോളണ്ടിലും, അയര്‍ലണ്ടിലും ഉത്ഭവിച്ച് മറ്റ് രാജ്യങ്ങളിലേക്ക് അതിവേഗം വ്യാപിച്ച ‘പുരുഷന്‍മാരുടെ ജപമാല’ (മെന്‍സ് റോസറി) മെയ് 6 ശനിയാഴ്ച നാല്‍പ്പതില്‍പരം രാജ്യങ്ങളിലെ പൊതുസ്ഥലങ്ങളില്‍ നടക്കും. “നമ്മുടെ മാതാവായ കന്യകാമറിയത്തോടുള്ള വിശ്വാസത്തിന്റെയും സ്നേഹത്തിന്റെയും ഈ പൊതു പ്രകടനത്തിൽ പങ്കെടുക്കാൻ ആഗ്രഹിക്കുന്ന എല്ലാ പ്രായത്തിലുമുള്ള പുരുഷന്മാരെ ഒരുമിച്ച് കൊണ്ടുവരികയെന്നതാണ്” മെന്‍സ് റോസറിയിലൂടെ സംഘാടകര്‍ ലക്ഷ്യംവെയ്ക്കുന്നത്. പോളണ്ടില്‍ ആരംഭിച്ച ‘മെന്‍സ് റോസറി’ പിന്നീട് ലാറ്റിന്‍ അമേരിക്ക ഉള്‍പ്പെടെയുള്ള മറ്റ് രാജ്യങ്ങളിലേക്ക് അതിവേഗം പ്രചരിക്കുകയായിരുന്നു.