സംസ്ഥാനത്ത് പാൽ ഉൽപാദത്തിൽ വൻ ഇടിവെന്ന് മിൽമ

ചൂട് കൂടിയ സാഹചര്യത്തിൽ സംസ്ഥാനത്ത് പാൽ ഉൽപാദത്തിൽ വൻ ഇടിവ് സംഭവിച്ചതായി മിൽമ. കാലാവസ്ഥ പ്രതികൂലമായതോടെ പ്രതിദിനം 6.5 ലക്ഷം ലിറ്റർ പാലിന്റെ കുറവുണ്ടായിട്ടുണ്ടെന്ന് മിൽമ ചെയർമാൻ കെഎസ് മണി പറഞ്ഞു. നിലവിലെ പ്രശ്നം മറികടക്കാൻ ഇതരസംസ്ഥാനങ്ങളിൽ നിന്ന് കൂടുതൽ പാൽ വാങ്ങിയാണ് പ്രതിസന്ധി പരിഹരിക്കുന്നത്. ഉൽപാദനം കുറഞ്ഞതോടെ ക്ഷീരകർഷകരും വൻ പ്രതിസന്ധിയില്ലാണ്.