ദോഹ: വിവാദ റഫറി അന്റോണിയോ മാത്യു ലാഹോസിനോട് മോശമായി പെരുമാറിയതിന് അർജന്റീനാ താരങ്ങൾക്ക് ഫിഫയുടെ വിലക്ക് വരുന്നു. വിലക്ക് വരുന്നതോടെ ക്യാപ്റ്റൻ ലയണൽ മെസ്സിക്ക് സെമി നഷ്ടമാവാനും സാധ്യത. ഖത്തർ ലോകകപ്പിലെ ഏറ്റവും വാശിയേറിയ മൽസരമായിരുന്നു ക്വാർട്ടറിലെ നെതർലന്റസ്-അർജന്റീനാ പോരാട്ടം. മൽസരം നിയന്ത്രിച്ച റഫറി അന്റോണിയോ മാത്യു ലാഹോസ് ആണ്. മൽസരത്തിൽ 16 മഞ്ഞകാർഡുകളാണ് ഇരുടീമുകളിലെ താരങ്ങൾക്കായി ലാഹോസ് പുറത്തെടുത്തത്. ഇരുടീമിലെ നിരവധി താരങ്ങൾ റഫറിയോട് കയർത്ത് സംസാരിച്ചിരുന്നു. താരങ്ങൾ മാത്രമല്ല കോച്ചിങ് സ്റ്റാഫുകളും ഇതിൽ പ്പെടും.
