കൊച്ചി : ഐ ടി പാർക്ക് ഉൾപ്പെടെയുള്ള തൊഴിലിടങ്ങൾ മദ്യവൽക്കരിക്കാനുള്ള സർക്കാരിന്റെ മദ്യനയത്തിലെ തൊഴിലാളിവിരുദ്ധ നടപടികൾക്കെതിരെ ലോക തൊഴിലാളി ദിനം കെ സി ബി സി മദ്യ വിരുദ്ധ സമിതി എറണാകുളം – അങ്കമാലി അതിരൂപത കമ്മിറ്റിയുടെ നേതൃത്വത്തിൽ പ്രതിഷേധ ദിനമായി ആചരിച്ചു.
ലഹരി വിമുക്ത തൊഴിലാളി സമൂഹവും തൊഴിലിടങ്ങളും എന്നതാണ് പ്രതിഷേധ ദിനചരണത്തിന്റെ മുഖ്യ സന്ദേശം.
ദിനാചരണത്തിന്റെ അതിരൂപതതല ഉദ്ഘാടനം മദ്യ വിരുദ്ധ സമിതി സംസ്ഥാന വക്താവ് അഡ്വ. ചാർളി പോൾ നിർവ്വഹിച്ചു. ഡയറക്ടർ ഫാ.ജോർജ് നേരെ വീട്ടിൽ, ആനിമേറ്റർ സിസ്റ്റർ റോസ്മിൻ, അതിരൂപത ഭാരവാഹികളായ കെ.എ പൗലോസ്, ചാണ്ടി ജോസ് , എം.പി. ജോസി, ഷൈബി പാപ്പച്ചൻ , സിസ്റ്റർ മരിയൂസ എന്നിവർ പ്രസംഗിച്ചു.
അതിരൂപതയിലെ വിവിധ പ്രദേശങ്ങൾ ഉൾപ്പെടുന്ന 15 കേന്ദ്രങ്ങളിൽ പ്രതിഷേധ ദിനാ ചരണം നടത്തിയതായി മദ്യ വിരുദ്ധ സമിതി അതിരൂപത നേതൃത്വം അറിയിച്ചു.
